Ihar Karpienka ŭładkavaŭ u Minadukacyi skandalnaha piśmieńnika-kamunista Andreja Łazutkina
Piśmieńnik, aktyvist praŭładnaj Kamunistyčnaj partyi Andrej Łazutkin uładkavaŭsia na pracu ŭ pres-słužbu Ministerstva adukacyi. Za jahonym aŭtarstvam na «Sputniku» źjaviŭsia aficyjny adkaz Minadukacyi na krytyku ad viadomaha repietytara Jaŭhiena Livianta.
Hety fakt paćvierdzili nam u samim viedamstvie.
«Łazutkin pracuje ŭ infarmacyjna-analityčnym centry ŭ infarmacyjnym adździele: na sajcie artykuły raźmiaščaje… Usio, što treba — vykonvaje. Jak uziali na pracu? My razhladajem usie reziume», — skazała nam pres-sakratarka Minadukacyi Ludmiła Vysockaja.
Čym prykmietnaja asoba Łazutkina?
Jon — aŭtar skandalnaj apovieści «Palihon». U jaje asnovie alternatyŭnaja historyja pra isnavańnie kamisaryjata «Ostłand» uzoru 1959 hoda paśla hiermanskaj pieramohi pad Stalinhradam. Intelihiencyju aburyła, što admoŭnym piersanažam «Palihona» ŭ vusny ŭkładzienaja biełaruskaja mova.
Čytajcie taksama: Ost-madernizm: małady kamunist Andrej Łazutkin vydaŭ «Palihon», ukłaŭšy biełaruskuju movu ŭ vusny admoŭnych piersanažaŭ
Łazutkin skončyŭ jurydyčny fakultet BDU pa śpiecyjalnaści «juryst-palitołah». Paśla vučoby byŭ naceleny ŭładkavacca ŭ infarmacyjna-analityčnym upraŭleńni Pałaty pradstaŭnikoŭ, ale tam nie skłałasia. Łazutkin pajšoŭ pracavać da tahačasnaha kiraŭnika Kamunistyčnaj partyi (a ciapier ministra adukacyi) Ihara Karpienki, uładkavaŭsia adkaznym sakratarom haziety «Kommunist Biełoruśsii».
Paralelna publikavaŭ na dziermanaŭskim «Imchakłabie» vykryvalnyja kałonki pra biełaruskich palitykaŭ, a taksama pra niezaležnyja ŚMI, u tym liku Tut.by, «Našu Nivu» i inšyja resursy.
(Čytajcie našyja rasśledavańni pra dziejnaść «Imchakłuba» i jaho aŭtaraŭ-nieanacystaŭ: «Kriepkije mołodyje fašisty»: zabojstva Julii Čarniaŭskaj, zachop ułady ŭ Biełarusi — płany i idei aŭtaraŭ «Imchakłuba», Špakoŭski, Dziermant i «bydło škłovskoje» — jak biełaruskija dziejačy klančyli hrošy na pieradzieł Jeŭropy)
Łazutkin prachodziŭ stažyroŭku na rasijskim prapahandysckim telekanale «Raša Tudej».
Taksama Łazutkin aktyŭna adbielvaŭ stalinskija represii, u svaich artykułaŭ jon śćviardžaje, što ŭ Kurapatach niama achviaraŭ kamunistaŭ.
Čytajcie taksama: Piśmieńnik Łazutkin apublikavaŭ artykuł z admaŭleńniem taho, što ŭ Kurapatach pachavanyja achviary savieckich rasstrełaŭ
Jak «Našaj Nivie» paviedamili ŭłasnyja krynicy, na pracaŭładkavańnie Łazutkina była pramaja vola ministra adukacyi Ihara Karpienki, jaki nibyta pastaviŭ jamu ŭmovu — pisać na dziermanaŭski «Imchakłab» materyjały pra adukacyju.
Tak jano, darečy, i atrymałasia — apošnija artykuły Łazutkina pryśviečanyja tłumačeńniu taho, čamu reformy Ihara Karpienki patrebnyja i karysnyja.
Darečy, repietytar Liviant, jakomu ad imia Minadukacyi adkazaŭ Łazutkin, tak vykazaŭsia pra situacyju:
«Raniej ja ličyŭ, što ŭ Andreja Łazutkina jość tolki dźvie jakaści — niahodnik i miarzotnik, ale, akazvajecca, ich try — jon jašče i supracoŭnik Ministerstva adukacyi. Jak havorycca, skažy mnie, chto tvoj «Łazutkin» i ja skažu, chto ty», — napisaŭ Liviant na svajoj staroncy UKantakcie.
-
«Paŭstańnia takich pamieraŭ u Biełarusi nikoli nie było». Historyk raskazaŭ, čym unikalny 2020-ty i što my voźmiem ź jaho na budučyniu
-
Biełaruski režysior raskazaŭ, jak u maładości paznajomiŭsia ŭ ZŠA z adnym z samych upłyvovych ukraincaŭ
-
Multykompleks kala Kamaroŭskaha rynku ŭ Minsku płanujuć dabudavać u 2026 hodzie
Ciapier čytajuć
«Paŭstańnia takich pamieraŭ u Biełarusi nikoli nie było». Historyk raskazaŭ, čym unikalny 2020-ty i što my voźmiem ź jaho na budučyniu11
Kamientary