Ministr sielskaj haspadarki i charčavańnia raspavioŭ, što Łukašenka rasparadziŭsia znajści i pakarać vinavatych u niesvoječasovaj uborcy lonu ŭ Homielskaj vobłaści. Pra heta Leanid Zajac paviedamiŭ padčas pres-kanfierencyi, piša Tut.by.
«Naš APK sapraŭdy ŭ zonie ryzykoŭnaha ziemlarobstva — dźvie normy apadkaŭ u kastryčniku. Była sapraŭdy vielmi drennaja vyležka lonu. Ale na 97% terytoryi lon prybrali svoječasova», — paviedamiŭ ministr.
«U Homielskaj vobłaści jość niedapracoŭka miascovych orhanaŭ ułady, prybrać lon treba było raniej i nie źviartajučysia da dapamohi nasielnictva. Prezident vielmi rezka adreahavaŭ na situacyju, zapatrabavaŭ pakarać vinavatych i pieradać materyjały ŭ prakuraturu», — dadaŭ kiraŭnik Minsielhascharča.
Nahadajem, u Homielskaj vobłaści rajvykankamy, šerah pradpryjemstvaŭ i navučalnych ustanoŭ atrymali listy z prośbaj akazać sadziejničańnie va ŭborcy lonu ŭ niekalkich rajonach rehijonu. Užo praz sutki ŭ Karmianski, Rahačoŭski, Buda-Kašaloŭski i Čačerski rajony z usioj vobłaści byli nakiravany kałony aŭtobusaŭ z tysiačami pamočnikaŭ.
Usiaho na Homielščynie było pasiejana 4800 ha lonu, prybirać ŭsioj vobłaściu pryjšłosia krychu bolš za tysiaču hiektaraŭ. Štodnia ŭdzieł va ŭborcy prymali da troch tysiač čałaviek na praciahu niekalkich dzion.
Kamientary