Z usich suśvietnych pakupnikoŭ ekspartavanaj Narviehijaj ŭ minułym hodzie stronhi (fareli), našaja kraina prapuściła napierad tolki Japoniju, paviedamlaje Narviežskaja rada pa morapraduktach (NSC). Na trecim miescy za nami — ZŠA.
Niahledziačy na ŭviadzieńnie Rasijaj sankcyj suprać narviežskich rybnych praduktaŭ, u minułym hodzie Narviehija pavialičyła ekspart łasosievych ryb na 3%, to bok na 27 tysiač ton, dasiahnuŭšy nievierahodnaha adnaho miljona ton. A narviežski rybny ekspart ahułam pavialičyŭsia na 7%.
«2017 hod staŭ jašče adnym fantastyčnym hodam dla narviežskich eksparcioraŭ morapraduktaŭ», — zajaviła vykanaŭčaja dyrektarka NSC Renata Łarsen.
Varta zaŭvažyć, što ŭdzieł «dzikaha» łasosia ŭ narviežskim eksparcie składaje zaraz tolki 28%. 72% — hadavanaja ŭ akvakultury ryba.
Kamientary