Bryžyt Bardo nazvała zajavy aktrys pra damahańni kryvadušnymi
Lehiendarnaja francuzskaja aktrysa i śpiavačka Bryžyt Bardo ličyć, što zajavy aktrys pra seksualnyja damahańni pradziusaraŭ kryvadušnyja, piša vydańnie Paris Match.
Raniej hrupa sa 100 žančyn, siarod jakich francuzskaja aktrysa Katryn Denioŭ, niamieckaja aktrysa Inhryd Kavien i francuzskaja piśmieńnica Katryn Mile, u adkrytym liście, što apublikavała hazieta Monde, vystupili suprać chvali «nianaviści da mužčyn», jakaja ŭźnikła paśla publikacyi materyjałaŭ pra damahańni.
«Što da aktrys, ale nie žančyn u cełym, to ŭ bolšaści svajoj hetyja vypadki kryvadušnyja, śmiešnyja i niecikavyja», — zajaviła Bardo ŭ intervju vydańniu.
Jana dadała, što mnohija aktrysy sami zalacajucca da pradziusaraŭ, kab atrymać rolu, a paśla zajaŭlajuć pra damahańni.
Aktrysa adznačyła, što nikoli nie była achviaraj seksualnych damahańniaŭ, a kamplimienty zaŭsiody znachodziła «čaroŭnymi».
Ruch #MeToo ŭźnik i atrymaŭ šyroki raspaŭsiud u sacyjalnych sietkach u 2017 hodzie, paśla taho jak New York Times apublikavaŭ vyniki rasśledavańnia pra mnostva vypadkaŭ damahańniaŭ z boku znakamitaha pradziusara Charvi Vajnštejna. Udzielniki ruchu raspaviadajuć pra seksualnyja damahańni, ź jakimi sutyknulisia jany. U vyniku pradziusara zvolnili z zasnavanaj im ža kampanii i vyklučyli z cełaha šerahu prafiesijnych supolnaściaŭ.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary