Alaksandr Łukašenka 25 studzienia padpisaŭ Dekret №1, jakim praduhledžany miery pa sadziejničańni zaniataści nasielnictva. Dakumient nakiravany ŭ pieršuju čarhu na aktyvizacyju raboty orhanaŭ ułady pa maksimalnym sadziejničańni hramadzianam u pracaŭładkavańni, stymulavańni pracoŭnaj zaniataści i samazaniataści nasielnictva, paviedamlaje jaho pres-słužba.
U hetych metach Dekretam na ŭrad uskładajucca zadačy pa vyznačeńni prahnoznych pakazčykaŭ u halinie sadziejničańnia zaniataści nasielnictva i pieraliku terytoryj z napružanaj situacyjaj na rynku pracy, ažyćciaŭleńnia manitorynhu, acenki jakaści i dastupnaści pasłuh u halinie sadziejničańnia zaniataści nasielnictva.
U svaju čarhu miascovyja orhany ŭłady buduć zabiaśpiečvać indyvidualnuju pracu z hramadzianami na miescach pry praviadzieńni raboty pa ich pracaŭładkavańni i resacyjalizacyi asob, jakija viaduć asacyjalny ład žyćcia. Akramia taho, abłasnyja, Minski haradski Saviety deputataŭ zmohuć dadatkova nakiroŭvać srodki miascovych biudžetaŭ na realizacyju mierapryjemstvaŭ u halinie sadziejničańnia zaniataści nasielnictva na terytoryjach z napružanaj situacyjaj na rynku pracy, adznačajecca ŭ dekrecie.
U novy Dekret nie ŭvajšli normy ab źbirańni z pracazdolnych niepracujučych hramadzian zboru na finansavańnie dziaržaŭnych vydatkaŭ. Pry hetym asoby, jakija raniej pryznavalisia płacielščykami hetaha zboru, vyzvalenyja ad jaho vypłaty.
Dekretam praduhledžany kanceptualna inšy padychod, nakiravany na stymulavańnie pracazdolnych niepracujučych hramadzian da lehalnaj zaniataści. Praduhledžana, što z 1 studzienia 2019 hoda takija asoby buduć pravodzić apłatu subsidavanych dziaržavaj pasłuh pa ich poŭnaj canie. Kankretny pieralik takich pasłuh daručana vyznačyć uradu.
Klučavaja rola ŭ arhanizacyi vykanańnia normaŭ Dekreta adviedziena miascovym orhanam ułady. Dla hetaha praduhledžvajecca stvareńnie miascovymi vykanaŭčymi i rasparadčymi orhanami pastajanna dziejučych kamisij, asnoŭnymi zadačami jakich źjaŭlajucca sadziejničańnie hramadzianam znachodzić pracu.
U skład kamisij buduć uklučacca deputaty ŭsich uzroŭniaŭ, śpiecyjalisty miascovych orhanaŭ ułady, a taksama pradstaŭniki hramadskich abjadnańniaŭ. Uznačalvać kamisii, jakija stvarajucca na rajonnym uzroŭni, buduć, jak praviła, staršyni savietaŭ deputataŭ.
Dekret pradastaŭlaje kamisijam šyrokija paŭnamoctvy, u tym liku pa pryniaćci rašeńniaŭ ab vyzvaleńni na peŭny čas pracazdolnych hramadzian, jakija nie zaniatyja ŭ ekanomicy, ad abaviazku apłačvać pasłuhi pa poŭnym košcie pry najaŭnasci ŭ ich ciažkaj žyćciovaj situacyi.
Dla realizacyi Dekreta ŭradam budzie pryniaty šerah pastanoŭ, jakimi buduć u tym liku vyznačany paradak adniasieńnia pracazdolnych hramadzian da niezaniatych u ekanomicy, pieralik pasłuh, što akazvajucca dadzienym hramadzianam pa poŭnym košcie, paradak raźliku apłaty za hetyja pasłuhi i inšyja pytańni.
Akramia taho, praduhledžvajecca pryniaćcie ŭradam mier, nakiravanych na aktyvizacyju prafiłaktyčnaj pracy z pracazdolnymi niepracujučymi hramadzianami, jakija viaduć asacyjalny ład žyćcia; dziejnaści padatkovych orhanaŭ pa vyjaŭleńni i padatkaabkładańni ŭtojenych prybytkaŭ fizičnych asob.
Dekret ustupaje ŭ siłu paśla jaho aficyjnaha apublikavańnia.
***
Na telehram-kanał «Našaj Nivy» možna padpisacca tut.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak4
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary