Kryptabirža Coincheck abiacała vypłatu kampiensacyj svaim klijentam, jakija stracili kryptavalutu ŭ vyniku najbujniejšaj viadomaj chakierskaj ataki ŭ historyi handlu elektronnymi hrašyma, paviedamlaje Bloomberg.
Uładalniki biržy zajavili, što pakryjuć straty klijentaŭ ad chakierskaj ataki, padčas jakoj było vykradziena kryptavaluty na $400 młn, z ułasnych srodkaŭ.
Pavodle paviedamleńnia, paciarpiełymi ad kradziažu kryptavaluty NEM stali 260 tys. karystalnikaŭ. Usim im, jak abiacaje birža, budzie vypłačanaja kampiensacyja pavodle staŭki 88,549 jen (81 amierykanski cent) za kožnuju manietu. Usiaho było vykradziena 523 młn maniet, skazana ŭ zajavie biržy. Kali buduć vypłačanyja srodki, u paviedamleńni nie ŭdakładniajecca.
Na momant kradziažu NEM kaciravałasia na ŭzroŭni $1,03, ale prasieła na 21 pracent paśla jaje.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary