Hramadskija aktyvisty vyrabili płakaty, pryśviečanyja «Nočy rastralanych paetaŭ». Płakaty pieradaduć haspadaram placovak, jakija pahodziacca ich źmiaścić u publičnaj prastory dla pašyreńnia pamiaci pra stalinskija represii.
20 lutaha 2017 byŭ vystaŭleny Łahier abarony Kurapataŭ — pratestny łahier na placoŭcy nasuprać doma 49 pa vuł. Mirašničenki ŭ Minsku. Aktyvisty damahalisia spynieńnia budaŭnictva ofisnaha centra na sprečnaj terytoryi, jakaja ŭ peŭny čas znachodziłasia ŭ achoŭnaj zonie Kurapackaha ŭročyšča. Zmahańnie apynułasia paśpiachovym, i praz dva tydni budoŭlu spynili, a łahier byŭ źniaty.
Da hadaviny ŭstaloŭki łahiera aktyvisty vypuścili płakaty, pryśviečanyja «Nočy rastralanych paetaŭ». Hetuju datu ličać simvałam stalinskich represij, ad jakich paciarpieła ad 600 da 1400 tysiač žycharoŭ Biełarusi. Hrošy na vydańnie byli sabranyja padčas isnavańnia łahiera.
«Na płakacie źmieščany imiony 132 rastralanych u noč 29 kastryčnika 1937 u viertykalnym stanoviščy. Imiony stvarajuć formu hukavaj chvali i liniuju bićcia serca, jakuju raśsiakaje kula. Śled ad puli pavialičvajecca, ścirajučy litary ŭ imionach, i čym dalej, tym składaniej pračytać. Ścirajucca imiony, a ź imi i pamiać pra padzieju. Płakat stvorany kab pamiatać», — apaviadaje aŭtar idei, minski dyzajnier Alaksandr Čabataroŭ.
Usiaho było vypuščana 100 płakataŭ, na kožnym paznačany jaho paradkavy numar. Dla raspaŭsiudu infarmacyi pra stalinskija represii aktyvisty stvaryli admysłovaje videa, što ilustruje padziei nočy 29 kastryčnika 1937:
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1313
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata13
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary