Dadzienyja Dziaržstata Ukrainy kažuć, što realny siaredni zarobak va Ukrainie pieravysiŭ dakryzisny ŭzrovień. Adnak 64% ukraincaŭ hetaha nie zaŭvažyli, paviedamlaje «Ukrainskaja praŭda».
Tak, siaredniaja zarpłata ŭ śniežni 2017 hoda skłała 8 777 hryŭniaŭ (325 dalaraŭ), a čatyry hady tamu — 3 619 hryŭniaŭ (kala 450 dalaraŭ). Adnak kali paraŭnać hetyja sumy z ŭlikam inflacyi za hety čas, to atrymlivajecca 6-pracentny rost realnych pracoŭnych dachodaŭ. U plus vyjšli amal usie rehijony Ukrainy, akramia Łuhanskaj vobłaści.
Pavodle daśledavańnia Center for Insights in Survey Research, 64% apytanych u śniežni 2017 hoda ŭkraincaŭ zajavili, što ich finansavaje stanovišča za apošni hod pahoršyłasia.
Za hety ž čas, zhodna ź Dziaržstatam, naziraŭsia adzin z najbolš istotnych rostaŭ, na 19,1%, realnaj zarpłaty za ŭsiu ŭkrainskuju historyju.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku3
Kamientary