Pieranos daty ŭviadzieńnia abmiežavańniaŭ na ŭvoz małočnaj pradukcyi ŭ Rasiju ź Biełarusi źviazany ź nieabchodnaściu zblizić pazicyi bakoŭ u chodzie pieramoŭ nakont pytańnia pastavak. Pra heta zajaviŭ kiraŭnik Raśsielhasnahladu Siarhiej Dankviert u efiry «Rasija 24». Raniej viedamstva pieraniesła ŭviadzieńnie abmiežavańniaŭ na 15 sakavika.
«Pieramovy iduć. Hety čas [da 15 sakavika] treba dla taho, kab zblizić pazicyi. Kali my vyjazdžajem na inśpiekcyi, to niepasredna vyvučyć tyja materyjały ad biełaruskich kaleh, jakija nam nieabchodnyja», — skazaŭ Dankviert.
Jon adznačyŭ, što Raśsielhasnahlad z 2016 hoda nakiravaŭ Biełarusi bolš za 70 listoŭ z papiaredžańniami źviarnuć uvahu na situacyju z pastaŭkami. «Našy biełaruskija kalehi z-za peŭnych niejkich rečaŭ niešta rabili, niešta nie rabili. Kali my pačali vyjaŭlać bolš [parušeńniaŭ], my pačali prymać miery», — zajaviŭ kiraŭnik Raśsielhasnahladu.
Viedamstva paviedamlała pra płany abmiežavać pastaŭki małočnaj pradukcyi ź Biełarusi z 26 lutaha. Zatym termin ŭstupleńnia ŭ siłu zabarony pieranieśli na 6 sakavika.
Kamientary