Havorka pra dypłamatyčnyja kroki, a nie bajkot futbalistami.
Brytanskija ŭłady abmiarkoŭvajuć z sajuźnikami ŭ ZŠA i Jeŭropie patencyjnyja miery, jakija mohuć być užytyja ŭ dačynieńni da Rasii ŭ tym vypadku, kali Maskva apyniecca datyčnaja da atručvańnia ŭ Anhlii raźviedčyka-pierabiežčyka Siarhieja Skrypala i jaho dački. U jakaści adnaho z varyjantaŭ razhladajecca bajkot čempijanatu śvietu pa futbole, paviedamlaje The Times sa spasyłkaj na krynicy ŭ śpiecsłužbach.
Pa słovach adnaho z surazmoŭcaŭ, heta moža pryvieści da taho, što na turnir mohuć nie pryjechać palityki i čynoŭniki; miarkujecca, što hetamu prykładu mohuć paśledavać takija krainy, jak Aŭstralija, Japonija i Polšča. U krajnim vypadku dapuskajecca i admova zbornaj Anhlii ad udziełu ŭ ČS-2018.
Akramia hetaha, havorka idzie pra mahčymyja dypłamatyčnyja, ekanamičnyja i vajennyja kroki. Sutnaść prapanavanych mier nie raskryvajecca.
Jak adznačała The Telegraph, kali anhlijskaja zbornaja bajkatuje čempijanat śvietu ŭ Rasii, to joj moža pahražać pakarańnie ŭ vyhladzie adchileńnia až da nastupnaha suśvietnaha pieršynstva, jakoje pavinna prajści ŭ 2022 hodzie ŭ Katary. Heta vynikaje z pałažeńniaŭ rehłamientu Mižnarodnaj fiederacyi futboła. U samoj arhanizacyi publikacyju brytanskaj haziety pakul nie kamientavali.
Pra mahčymaść častkovaha bajkotu ČS-2018 6 sakavika zajaviŭ ministr zamiežnych spraŭ Vialikabrytanii Barys Džonsan. Pa słovach krynicy ŭ brytanskim MZS, čynoŭnik mieŭ na ŭvazie, što na turnir mohuć nie pryjechać pradstaŭniki ŭładaŭ i inšyja aficyjnyja asoby, a nie futbalisty; heta paćvierdziła i premjer-ministr Tereza Mej.
Uviečary 4 sakavika 66-hadovaha Skrypala i jaho dačka Juliju znajšli biez prytomnaści na łaŭcy ŭ skviery ŭ Sołśbiery. Jany atrucilisia nieviadomym niervova-paralityčnym rečyvam i trapili ŭ komu, znachodziacca ŭ balnicy. Usiaho ad atručvańnia paciarpieŭ 21 čałaviek, u tym liku siaržant palicyi Nik Biejli, jaki pieršym prybyŭ na miesca zdareńnia.
Kamientary