Historyk Uładzimir Lachoŭski: Niezaležnaść BNR abviaścili vielmi rana, varta było ŭ žniŭni
Pra heta historyk biełaruskaha nacyjanalnaha i hramadska-kulturnaha ruchu pačatku XX st. Uładzimir Lachoŭski zajaviŭ u intervju Jeŭraradyjo
«Ja na siabie naviadu šmat krytyki, ja ćviordy prychilnik niezaležnaści, ale chaču skazać, što hetyja paśpiešlivyja kroki pa abviaščeńni BNR u pryncypie złamali situacyju, — miarkuje jon. — Kali 16 lutaha abviaščałasia niezaležnaść Litvy, hety akt usich kansalidavaŭ. Kali my budziem kazać pra našu situacyju, to 25 sakavika adbyŭsia raskoł.
Była damoŭlenaść, što Rada BNR i Narodny sakrataryjat papoŭnicca pradstaŭnikami miascovych samaŭradaŭ, nacyjanalnych mienšaściaŭ. Damaŭlalisia, što Minskaja haradskaja duma, Minskaja ziemskaja ŭprava padtrymajuć finansava ŭrad BNR i tyja prajekty, jakija płanavalisia. Navat vydatkoŭvałasia 38 tysiač na budučuju arhanizacyju Ustanoŭčaha schodu Biełarusi. 15 sakavika musiła adbycca ahulnaja kanfierencyja, dzie płanavałasia abmierkavać pytańni arhanizacyi krajovaj ułady, usioj viertykali.
I tut, ja paŭtarusia, pad upłyvam Łuckievičaŭ adbyłosia pamyłkovaje abviaščeńnie niezaležnaści mienavita 25 sakavika. Kali b jano adbyłosia ŭ žniŭni, kali była padpisanaja dadatkovaja damova pamiž Niamieččynaj i savieckaj Rasijaj i stała zrazumieła, što hetaja terytoryja ŭ kancy 1918 hoda adydzie da Rasii, to jasna, što prychilnikaŭ niezaležnaści Biełarusi było b značna bolej. I nie było b takoha raskołu,
miarkuje historyk.
-
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli
-
Minsku treba vydušyć ź siabie pravincyjnaść i viarnuć nachabstva i blask Vialikaha Horada
-
Kamu jašče što moža stać treba «dla nacyjanalnaj biaśpieki» i jak tut być Biełarusi
Kamientary