Siońniašnija padletki kažuć, što jany lubiać svaje telefony z dostupam da internetu bolš za žyvych ludziej. Pra epidemiju adzinoty ŭ mory łajkaŭ nahadvaje Polskaje Radyjo sa spasyłkaj na «Dziennik Gazeta Prawna». Padletki pravodziać usio bolš času sa svaim smartfonam, a ŭsio mienš -— z ravieśnikami. Daśledavańni byli praviedzienyja ŭ ZŠA, ale hetaje praviła datyčyć taksama moładzi roznych krain. Siarod amerykanskich trynaccacihadovych dziaciej, jakija intensiŭna karystajucca siecivam, uzrovień adzinoty i depresiŭnaści na 27% vyšejšy, jak u ich ravieśnikaŭ, jakija mienš času pravodziać u sacsietkach.
Čamu pierad uvachodam u darosłaje žyćcio ludzi stolki času pryśviačajuć siecivu, jakoje ich źniščaje? Ludzi vierać, što ich znajomstvy ŭ siecivie stvarajuć sistemu biaśpieki, padtrymki j achovy ad adzinoty. Tolki paźniej jany adkryvajuć, što sietka suviaziaŭ nasamreč abmiažoŭvajecca da siamji, niekalkich siabroŭ i žmieńki znajomych. Nazirajučy za žyćciom niekalkich socień znajomych na fejsbuku, čałaviek nie maje času, kab dbać pra realnyja znajomstvy, a tolki takija siabry mohuć nam akazać sapraŭdnuju padtrymku.
Paradaksalna, u vyniku raspaŭsiudu sacsietak na našych vačach raście pieršaje pakaleńnie, jakoje nikoli nia vyzvalicca ad adzinoty. A hety stan prynosić čałavieku pakuty, pakolki nikoli nia byŭ dla ludziej naturalnym.
Adzinota źniščaje nie tolki mižčałaviečyja suviazi dy emocyi, jana taksama źniščaje ludziej u fizyčnym płanie. Adzinota paharšaje zdaroŭje ŭ takoj ža stupieni, jak atłuścieńnie ci vypalvańnie 15 cyharet na dzień.
Kamientary