Sistema supraćpavietranaj abarony Siryi akazałasia nieefiektyŭnaj. Siryjskija srodki supraćpavietranaj i supraćrakietnaj abarony nie źbili nivodnaj rakiety. Pra heta pradstaŭniki Pientahona zajavili padčas pres-kanfierencyi, tranślacyja jakoj viałasia na sajcie Minabarony ZŠA, pieradaje RBK.
Pradstaŭnica vajskovaha viedamstva Dana Uajt padkreśliła, što ŭdary nanieśli surjozny ŭron prahramie pa vytvorčaści i vykarystańniu chimičnaj zbroi suprać mirnaha nasielnictva. «Apieracyja, praviedzienaja minułaj nočču, była paśpiachovaj. My nie stracili nivodnaho samalota, usie celi byli raźbity. Ci budzie jana [vajennaja apieracyja] praciahnutaja, zaležyć ad Damaska», — skazała jana.
«Siryjski adkaz byŭ nieefiektyŭnym va ŭsich adnosinach. Ich dziejańni nie akazali nijakaha ŭździejańnia na ŭdar. Zvyčajna jany pačynali zapuskać svaje supraćrakiety ŭžo paśla taho, jak našy dasiahnuli celi», — raspavioŭ na bryfinhu pradstaŭnik Kamiteta načalnikaŭ štaboŭ VS ZŠA hienierał Kieniet Makienzi.
«Nivodnaha paśpiachovaha pierachopu rakiety zafiksavana nie było», — padkreśliŭ pradstaŭnik kamandavańnia.
Pa daśledčym centry ŭ Damasku byli zapuščanyja 76 rakiet, u tym liku 67 «Tamahaŭkaŭ». Pa dvuch abjektach u pravincyi Choms — składu z chimičnaj zbrojaj i raźmieščanamu pobač kamandnamu bunkieru byli zapuščanyja adpaviedna 22 i 7 rakiet. «Heta adsunuła raźvićcio siryjskaj chimičnaj prahramy ŭ minułaje na hady», — padkreśliŭ pradstaŭnik vajskovaha viedamstva.
Dziaržaŭnaje siryjskaje ahienctva SANA paśla načnych udaraŭ pa Damasku i Chomsu zajaviła, što zachodnija krainy «pierabolšvajuć maštab» ataki. U Damasku zajavili, što častka zapuščanych rakiet była pierachoplenaja.
U rasijskim Minabarony paviedamili, što rakietny ŭdar adbivali siryjskija srodki SPA S-125, S-200, «Buk» i «Kvadrat». Rasijskija srodki SPA da adbićcia ŭdaru nie pryciahvalisia.
-
«Manueła Łukašenka». U Hiermanii kiraŭnicu rehijona abrazili paraŭnańniem ź biełaruskim dyktataram
-
ZŠA vypadkova departavali mieksikanca, jakoha padazrajuć u najbujniejšym rabavańni kaštoŭnaściej u historyi krainy
-
U «Domie volnaj Biełarusi» ŭ Lvovie ŭšanavali pamiać Michaiła Žyźnieŭskaha. Tam ciapier zachoŭvajecca i pomnik hieroju
Ciapier čytajuć
Zialenski ŭ Vilni: Pakul špic Łukašenki maje bolš pravoŭ, čym narod Biełarusi20
Kamientary