Ranicaj kiraŭnictva ŭkrainskaj dziaržavy ŭšanavała pamiać palehłych u vajnie ŭskładańniem kvietak da Memaryjału słavy, jaki znachodzicca za kvartał ad muzeju, piša Radyjo Svaboda.
Praz hadzinu da hetaha ž pomnika pad lozunhami «Fašyzm nia projdzie» pryjšli ŭdzielniki rasiejskaj akcyi «Nieśmiarotny połk». Sioleta ich sabrałasia značna mienš, čym letaś — kala 1,5 tysiačy čałaviek, u tym liku deputaty parlamentu ad frakcyi «Apazycyjny blok» Niestar Šufryč dy Vadzim Navinski.
Da ŭdzielnikaŭ nia zmoh dałučycca rasiejski dyplamat, kiraŭnik kijeŭskaha pradstaŭnictva ahiencyi «Rossotrudničiestvo» Kanstancin Varabjoŭ — jaho sustreli «zialonkaj» dy niečystotami pradstaŭniki ŭkrainskaj pravaradykalnaj arhanizacyi S14 (Sič). Pavodle ichnaj infarmacyi, jon byŭ sponsaram akcyi «Nieśmiarotnaha połku», za ŭdzieł u jakoj ukraincam prapanoŭvali pa 400 hryŭniaŭ (prykładna 15 dalaraŭ u ekvivalencie).
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary