Ministr zamiežnych spravaŭ Biełarusi Uładzimir Makiej vystupiŭ na forumie «Minski dyjałoh», jaki prachodzić u hateli «Maryjot» na praśpiekcie Pieramožcaŭ.
Makiej adznačyŭ, što na siońnia my bačym «tatalnuju kanfrantacyju» roznych subjektaŭ suśvietnaj palityki. «Pahladzicie, u što pieraŭtvarylisia trybuny orhanaŭ, jakija pavinny rašać pytańni biaśpieki (Rady biaśpieki AAN i Pastajannaj Rady ABSIE). «Ź ich čuvać tolki słovy nianaviści i pahrozy», — adznačyŭ ministr.
Pa jahonych słovach, Druhaja suśvietnaja vajna najbolš mocny čyńnik, jaki vyznačaje biełaruskuju «hienietyčnuju pamiać». «Nam i ŭ strašnym śnie nie mahło pryśnicca, što niedzie zusim pobač z nami znoŭ buduć vieścisia bajavyja dziejańni, znoŭ buduć hinuć ludzi», — skazaŭ čynoŭnik pra kanflikt va Ukrainie.
«My ŭ Biełarusi kožnym niervam adčuvajem nakał ciapierašniaha suśvietnaha supraćstajańnia, jakoje adbivajecca na ŭsich śfierach našaha žyćcia», — adznačyŭ Makiej. Pa jahonych słovach, razmaŭlać treba pra supracoŭnictva i raźvićcio, a nie pra pahrozy.
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu4
Kamientary