Sud Barysaŭskaha rajona siońnia vynies pryhavor u dačynieńni da vajskovasłužboŭca ź Piečaŭ, jaki abvinavačvaŭsia ŭ ździajśnieńni vajskovych złačynstvaŭ, paviedamlaje Viarchoŭny sud. Siaržanta K. prysudzili da 3 hadoŭ i 6 miesiacaŭ kałonii ŭzmocnienaha režymu.
Abvinavačany prachodziŭ terminovuju vajskovuju słužbu ŭ vajskovaj čaści na pasadzie namieśnika kamandzira ŭzvoda ŭ zvańni siaržanta. Prysudam suda jon, u pryvatnaści, pryznany vinavatym u nieadnarazovym atrymańni chabaru, pieravyšeńni ŭłady, źviazanym z hvałtam, a taksama parušeńni pravił niasieńnia ŭnutranaj słužby asobaj, jakaja ŭvachodziać u sutačny narad čaści (akramia varty).
Vajskoviec prysudžany da 3 hadoŭ 6 miesiacaŭ pazbaŭleńnia voli z adbyvańniem pakarańnia ŭ kałonii ŭzmocnienaha režymu, z kanfiskacyjaj majomaści. Jon pazbaŭleny vajskovaha zvańnia «siaržant», a taksama prava zajmać pasady, źviazanyja z vykanańniem arhanizacyjna-rasparadčych abaviazkaŭ, na termin 5 hadoŭ.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ124
Kamientary