Va Ukrainie maładuju vychavalnicu dziciačaha sada dvojčy zvolnili z pracy za FOTY ŭ kupalniku
U vioscy Buhajeŭka Rovienskaj vobłaści kiraŭnictva dziciačaha sada zvolniła vychavalnicu Vitu Čarašnieŭskuju z-za fota ŭ kupalniku ŭ sacyjalnych sietkach.
Jak paviedamlaje Radio Triek, sama zvolnienaja śćviardžaje, što ŭ jaje ŭžo niekalki hadoŭ praciahvajecca kanflikt z zahadčycaj dziciačaha sadka Łarysaj Muzykaj.
Pa słovach Čarašnieŭskaj, taja źnievažaje i abražaje ŭvieś kalektyŭ.
Jana adznačaje, što rabotniki dziciačaha sadka niekalki hadoŭ tamu napisali skarhu na jaje va ŭpraŭleńnie adukacyi, paśla čaho zahadčyca pačała zvalniać niezadavolenych, u tym liku i Čarašnieŭskuju.
Spačatku Muzyka sprabavała paskardzicca ŭ palicyju, što ŭ vychavalnicy nibyta niesapraŭdny dypłom, adnak dakazać heta nie ŭdałosia. Paśla hetaha zahadčyca znajšła inšuju pryčynu — amaralnyja pavodziny, u pryvatnaści z-za fota ŭ Facebook i Instagram. Pa słovach Čarašnieŭskaj, u sud prynieśli try jaje fatahrafii.
Na pieršaj vychavalnica ŭ kupalniku na nosie karabla razam z mužam.
Na druhim jana ŭ basiejnie całuje jaho. Jaje abvinavacili ŭ tym, što heta naohuł nie jaje muž.
I apošniaje fota z Novaha hoda. Tut Čarašnieŭskaja z kielicham vina.
Jak adznačajecca, Čarašnieŭskaja zmahła dakazać u sudzie, što jaje zvolnili biespadstaŭna. U svaju čarhu, zahadčyca sadka Łarysa Muzyka razmaŭlać na hetuju temu z presaj admoviłasia.
U abłasnym upraŭleńni adukacyi adznačyli, što aceńvać dziejańni jak vychavalnicy, tak i zahadčycy pavinien sud.
Urešcie rešt, vychavalnica paśla suda adnaviłasia na pracy, adnak zahadčyca zvolniła jaje paŭtorna, i znoŭ za amaralnyja pavodziny. Tamu Čarašnieŭskaja źbirajecca sudzicca druhi raz.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary