Arcybiskup Kandrusievič pra situacyju z Vajskovymi mohiłkami: Zachavajem našu historyju!
Arcybiskup, mitrapalit Minska-Mahiloŭski Tadevuš Kandrusievič napisaŭ zvarot da dziaržaŭnych uładaŭ i hramadskich arhanizacyj u suviazi ź situacyjaj z Vajskovymi mohiłkami ŭ Minsku.
Kandrusievič nahadaŭ pra adkryćcio druhoj čarhi miemaryjalnaha kompleksa «Traścianiec» jak pazityŭnaha prykładu ušanavańnia pamiaci. Ale tak zvanaje «ŭparadkavańnie» Vajskovych mohiłak u Minsku jon nazvaŭ «niehatyŭnym staŭleńniem da našaj historyi».
Mitrapalit nazyvaje Vajskovyja mohiłki, taksama jak i Kalvaryjskija, adnymi z samych staražytnych niekropalaŭ u miežach Minska.
«Nichto nie supiarečyć tamu, što čas ad času nieabchodna ŭparadkoŭvać mohiłki, padobna tamu, jak čas ad času my robim ramont daroh, damoŭ i h.d. Adnak uparadkavańnie mohiłak nie pavinna skažać historyi. Na nadmahilnych pomnikach znachodziacca imiony pachavanych, hady ich žyćcia, niaredka ich rod dziejnaści. Na ich my taksama bačym znaki ich relihijnaj prynaležnaści»,
— napisaŭ Kandrusievič.
Uparadkavańnie, jakoje raspačałosia na Vajskovych mohiłkach u Minsku, časta źviazana sa źniščeńniem pomnikaŭ i nadmahilnych kryžoŭ, źviartaje ŭvahu arcybiskup. Jon ličyć, što taki padychod da spravy niščyć aŭtentyčnaść mohiłak jak historyka-kulturnaj i relihijnaj kaštoŭnaści.
-
U čym roźnica pamiž Trampam u Iranie i Pucinym va Ukrainie
-
Režym Łukašenki časova stanie mienš ahresiŭnym da susiedziaŭ, ale stratehična budzie imknucca da avałodańnia atamnaj zbrojaj
-
«Znajšli krajniaha», a «pastaviać sałdafona jakoha-niebudź». U sacsietkach adreahavali na zvalnieńnie kiraŭnika «Minsktransa»
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary