U subotu, 7 lipienia, u Baranavickuju vietlačebnicu źviarnułasia žycharka Uschodniaha mikrarajona horada, jakuju pakusaŭ chatni kot, raspavioŭ Intex-press Siarhiej Nikałajeŭ, načalnik haradskoj vieterynarnaj stancyi. U žyvioły miedyki vyjavili šalenstva.
Žančyna raskazała vieterynaram, što kot apošnija try-čatyry hady ni razu nie vychodziŭ na vulicu. Jak adbyłosia zaražeńnie, pakul dakładna nieviadoma. Ale Siarhiej Nikałajeŭ vykazaŭ zdahadku, što krynicaj mahła stać infikavanaja myš.
— Mnohija naiŭna miarkujuć, što, kali žyvioła nie vychodzić na vulicu, joj ničoha nie pahražaje. Heta nie tak, — rastłumačyŭ Siarhiej Nikałajeŭ. — Myšy, jakija časta stanoviacca pryčynaj šalenstva chatnich žyvioł, vodziacca navat u šmatkvaternych damach. Tamu navat chatniaja žyvioła nie zastrachavana, i pryščaplać jaje abaviazkova.
Druhi vypadak adbyŭsia na terytoryi haražnaha kaapieratyva ŭ Paŭnočnym mikrarajonie, dzie kot pakusaŭ troch mužčyn. U jaho taksama vyjavili šalenstva.
Pa słovach Siarhieja Nikałajeva, abiedźvie zaražanyja žyvioły źniščanyja. A ŭ Baranavickim harvykankamie razhladajecca płan karancinnych mierapryjemstvaŭ, jakija zakranuć Uschodni i Paŭnočny mikrarajony.
Kamientary