Bały za zadańnie abituryjent budzie viedać zahadzia: jak budzie mianiacca sistema padliku bałaŭ na CT
U hetym hodzie Respublikanski instytut kantrolu viedaŭ aprabavaŭ novuju mietodyku padliku vynikaŭ CT. Pra heta na pres-kanfierencyi raspaviała pieršy namieśnik dyrektara RIKV Natalla Vajciachovič.
Pierš za ŭsio Natalla Vajciachovič udakładniła: vyniki CT hetaha hoda aceńvalisia pa raniejšaj mietodycy, «jakaja zaćvierdžana zahadam ministerstva adukacyi i vykarystoŭvałasia na praciahu bolš za 12 hadoŭ».
— My možam kazać pra madelnuju aprabacyju. Vyniki CT hetaha hoda byli raźličany i pa raniejšaj, i pa novaj mietodycy.
U čym jana zaklučajecca? Hałoŭnaj pieravahaj novaj sistemy padliku Natalla Vajciachovič nazyvaje prazrystaść.
— Vyniki buduć bolš prazrystymi. Kožnamu zadańniu z varyjantu testu budzie prysvojvacca pieršasny bał, jaki abituryjenty zmohuć ubačyć jašče da pačatku centralizavanaha testavańnia. Jon budzie vyznačany i zaćvierdžany śpiecyfikacyjaj, jakuju štohod zaćviardžaje Ministerstva adukacyi. Zatym u pracesie pravierki rabot abituryjentaŭ buduć uviedzieny kaeficyjenty. Dalej budzie raźličany testavy vynikovy bał. Svoj ranh abituryjenty zmohuć ubačyć u nas na sajcie.
Mietodyka, padkreśliła Natalla Vajciachovič, u suśvietnaj praktycy nie novaja: jana vykarystoŭvajecca ŭ mnohich krainach. Vykarystoŭvać jaje ŭ Biełarusi mohuć pačać užo ŭ nastupnym hodzie.
- U vynikach madelnaj aprabacyi my ŭbačyli šmat plusaŭ. Pytańnie znachodzicca ŭ stadyi rašeńnia.
Zaraz, nahadajem, pry acency cany pytańnia ŭličvajecca ŭ tym liku i toje, kolki čałaviek adkazali na jaho pravilna.
Kamientary