«Jon udaryŭ pieršy». Minsktrans prakamientavaŭ bojku kantralora z «zajcam»
U kantrolna-revizijnaj słužbie Minsktransa Jeŭraradyjo vykłali svaju viersiju čarhovaj bojki kantralora i «zajca» pobač z prypynkam na Płoščy Pieramohi. Pa słovach pradstaŭnikoŭ arhanizacyi, bieźbiletnik sam napaŭ na kantralora, a pierad tym pasprabavaŭ źbiehčy. Milicyju čakali paŭhadziny.
«Byŭ vyjaŭleny bieźbiletny pasažyr, u jakoha byŭ nieapłačany prajezd. Dla składańnia pratakoła ci pastanovy jaho paprasili vyjści na prypynačnym punkcie, - raspaviali Jeŭraradyjo ŭ Minsktransie. - Nijakich dakumientaŭ u mužčyny pry siabie nie było, byŭ vyklikany narad milicyi.
Praz paŭhadziny čakańnia pasažyr pačaŭ kazać, što bolš nie moža tut być, i pasprabavaŭ syści. Kantralor papiaredziŭ, što toj nie padparadkoŭvajecca zakonnym patrabavańniam, pakidaje miesca administracyjnaha pravaparušeńnia. Pačaŭsia kanflikt, ciaham jakoha mužčyna ŭdaryŭ kantralora, u adkaz na što toj nie vytrymaŭ i pačaŭ abaraniacca».
Kantralor pabiŭsia z «zajcam» 21 žniŭnia prykładna a 19-j hadzinie. Vidavočcy śćviardžajuć, što bieźbiletnik byŭ napadpitku. Adzin sa śviedak zdareńnia źniaŭ jaho na videa. Pamiž pasažyram i kantraloram adbyvajecca kanflikt, padčas jakoha kantralor bje «zajca» pa tvary.
Ciapier čytajuć
Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam4
Kamientary