Ułady Maskvy nie ŭzhadnili niadzielnuju akcyju suprać pavyšeńnia piensijnaha ŭzrostu, udzielniki jakoj ŭžo sabralisia ŭ centry horada.
Da praviadzieńnia mitynhaŭ pa ŭsiej krainie 9 vieraśnia zaklikaŭ apazicyjny palityk Alaksiej Navalny. Jaho samoha 27 žniŭnia aryštavali na 30 sutak za akcyju «Strajk vybarščykaŭ», jakaja adbyłasia jašče ŭ pačatku 2018 hoda.
Za apošnija dni niekalkich prychilnikaŭ Navalnaha zatrymała maskoŭskaja palicyja. Ich abvinavacili ŭ arhanizacyi niedazvolenaha mitynhu. Sam Navalny aryštavany na 30 sutak za mitynh, jaki prajšoŭ jašče zimoj.
Siońnia u Maskvie palicyja zatrymała paplečnika Navalnaha Mikałaja Laskina. Supracoŭniki MUS zajavili, što ŭžo dva dni «katajucca» za im pa ŭsim horadzie. Taksama zatrymany žurnalist kanała «Navalnyj Live» Dźmitryj Nizoŭcaŭ, jaki vioŭ repartaž pra padrychtoŭku da akcyi z centra Maskvy.
Akcyi adbyvajucca siońnia u Jekaciarynburhu, Kazani, Ufie, Jarasłaŭli i inšych haradach. Paviedamlajecca taksama pra dziasiatki zatrymanych udzielnikaŭ akcyj pratestu, u tym liku ŭ Chabaraŭsku, Tomsku, Novasibirsku i Jekaciarynburhu. U adnych haradach akcyi byli ŭzhodnienyja, u inšych — nie.
Pra zatrymańni prychilnikaŭ Navalnaha taksama paviedamlajuć karespandenty Radyjo Svaboda ŭ Pskovie i Rastovie-na-Donie.
Paviedamlałasia, što ŭ Jekaciarynburhu zatrymali byłoha mera horada Jaŭhiena Rojzmana. Paźniej vydańnie Znak.com ŭdakładniła, što jon sam sieŭ u aŭtazak ź inšymi zatrymanymi. Kaardynatara miascovaha štaba Navalnaha taksama pavieźli ŭ palicyju.
U Omsku prychilnica Navalnaha raspaviała, što palicejskija bili jaje pa nyrkach pry zatrymańni.
U siaredzinie lipienia Dziaržaŭnaja duma ŭchvaliła ŭ pieršym čytańni ŭradavy zakonaprajekt ab pastupovym pavyšeńni piensijnaha ŭzrostu da 65 hadoŭ dla mužčyn i da 63 hadoŭ dla žančyn. Piensijnaja reforma ŭžo vyklikała akcyi pratestu ŭ dziesiatkach haradoŭ Rasii. Prezident Uładzimir Pucin vystupiŭ z prapanovaj źmiakčyć piensijnuju reformu paśla masavych pratestaŭ u krainie.
Na Ćviarskuju ŭ Maskvie taksama pryjšoŭ lidar ŁDPR Uładzimir Žyrynoŭski, pieradaje Radyjo «Svaboda». U vyniku adbyŭsia kanflikt z pratestoŭcami.
Adzin z pratestujučych abazvaŭ lidara ŁDPR «h…», u adkaz Žyrynoŭski udaryŭ jaho pa tvary. Mužčyn raźniali achoŭniki deputata, piša «Kamiersant».
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?19
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci33
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci3
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary