U Iŭjeŭskim rajonie vyratavali mužčynu, jaki ŭpaŭ u kałodziež, paviedamlaje MNS.
Ranicaj 17 vieraśnia žycharka vioski Drobyšy Iŭjeŭskaha rajona paviedamiła, što ŭ kałodziež upaŭ jaje pryjaciel. Samastojna jon vybracca nie moža. Jak miarkujecca, mužčyna 1978 hoda naradžeńnia zvaliŭsia ŭ kałodziež, kali vymaŭ viadro z vadoj. Hłybinia kałodzieža — kala 7 mietraŭ, uzrovień vady — kala 3 mietraŭ.
Paciarpieły kala 20 chvilin byŭ pa šyju ŭ vadzie, trymajučysia za mietaličny tros ź viadrom. Kamandzir adździaleńnia ratavalnikaŭ Juryj Fiedarovič abviazaŭsia viaroŭkaj i pa drabinach spuściŭsia ŭ vadu, zatym abviazaŭ admysłovym vuzłom mužčynu i dapamoh jamu vybracca z kałodzieža. Vyratavalnaja apieracyja zaniała kala piaci chvilin.
Z dyjahnazam «mocnaje pieraachaładžeńnie» paciarpiełaha špitalizavali.
Kamientary