20 vieraśnia a 19:00 ŭ kafe «Hraj» (vuł. Internacyjanalnaja, 33) adbudziecca abviaščeńnie łaŭreata/ki paetyčnaj premii imia Natalli Arsieńnievaj 2018.
Sioleta na pieramohu pretendujuć:
Aleś Razanaŭ. Pieravybranaje. Vydaviectva Źmitra Kołasa, Minsk.
Anton Francišak Bryl. Cmačanka. Vydaviectva «Januškievič», Minsk.
Valžyna Mort. Epidemija ružaŭ. Vydaviectva «Łohvinaŭ», Vilnia.
Valancina Aksak. Zavinieny raj. Vydaviectva «Halijafy», Minsk.
Volha Hapiejeva. Hramatyka śniehu. Vydaviectva «Halijafy», Minsk.
Ihar Kulikoŭ. Vaładar zahadak. Vydaviectva «Miedysont», Minsk.
Ina Snarskaja. Vohniepakłońnica. Vydaviectva «Knihazbor», Minsk.
Michaił Rubin. Pierakład ź Inšaha. «Izdatielskije riešienija» pa licenzii Ridero.
Usievaład Ścieburaka. Sny daroh. Vydaviectva «Miedysont», Minsk.
U skład žury premii Arsieńnievaj — 2018 uvajšli:
Andrej Chadanovič, paet i pierakładčyk;
Volha Ipatava, litaraturaznaŭca i piśmieńnica;
Dźmitryj Strocaŭ, paet i vydaviec;
Maryja Martysievič, paetka i pierakładčyca;
Nasta Kudasava, paetka.
Siabry žury nie majuć prava hałasavać za knihi, redaktarami jakich jany byli.
Litaraturnaja premija imia Natalli Arsieńnievaj ušanoŭvaje aŭtara ci aŭtarku najlepšaj paetyčnaj knihi na biełaruskaj movie, vydadzienaj u papiarednim premii hodzie. Arhanizatary premii — Biełaruski PEN-centr, HA «Sajuz biełaruskich piśmieńnikaŭ» i Zhurtavańnie biełarusaŭ śvietu «Baćkaŭščyna». Uznaharoda ŭručajecca pry padtrymcy Fonda kultury i adukacyi Orsa-Ramana i Charytatyŭnaha fonda Zhurtavańnia biełarusaŭ Vialikaj Brytanii.
Premija zasnavanaja ŭ honar biełaruskaj paetki Natalli Arsieńnievaj (1903—1997) u 2017 h. i ŭručajecca za najlepšuju paetyčnuju knihu na biełaruskaj movie. Pieršym łaŭreatam premii staŭ Uładzimir Niaklajeŭ za zbornik paezii «Tolki vieršy».
Litva znoŭ začyniła miažu ź Biełaruśsiu — iznoŭ šary z kantrabandaj9
Kamientary