Kaścium žetončyka, panelki i nie tolki. Stvarajem biełaruskija vobrazy na Chełaŭin
Napiaredadni Chełaŭina, jaki ŭ Biełarusi niefarmalna śviatkujuć usio bolš aktyŭna, my vyrašyli krychu pafantaziravać i zamiest papularnych piersanažaŭ dla kaspłeju nakštałt viadźmarak, vampiraŭ ci hierojaŭ Marvel Comics padumać nad biełaruskimi varyjantami.
Paśla haračych abmierkavańniaŭ było vyrašana pasprabavać pieraŭvasobicca ŭ žetončyk minskaha mietrapalitena, panelku, supracoŭnika Minskzielenbuda i adzin z bonścikaŭ. Usie hetyja vobrazy stvarajucca chutka (što asabliva aktualna, kali viečaryna nie za harami) i nie patrabujucć šmat finansavych vydatkaŭ. Ale hałoŭny ich plus, kaniešnie, u niepaŭtornaści.
Bonścik Vadzianik
Jak viadoma, novyja, užo piatyja pa liku bonściki stvaralisia pavodle mifaŭ i lehiend Biełarusi — kansultacyi davali navat supracoŭniki Nacyjanalnaj akademii navuk. Siarod 24 piersanažaŭ nas skaryŭ haspadar rek i azior Vadzianik, jaki bolš za ŭsio lubić «pałochać ludziej, kali jany kupajucca nočču. Bałamucić dno, puskaje burbałki, plešča rukami pa vadzie i haniajecca za kačkami viarchom na svaim somie».
Dla kaściuma Vadzianika biarom siniuju tkaninu, jak na koŭdru, vusy i čyrvony kubak. Z tkaniny šyjem niešta nakštałt karotkaha skafandra, farbujem zahadzia nabytyja karnavalnyja vusy.
Padčas padrychtoŭki da Chełaŭina my zhadali pra trend na kalarovyja vałasy, jaki adradziŭsia i nie ścichaje ŭžo druhi hod. Viadoma, mała chto hatovy kardynalna źmianić koler na praciahły čas. Adnak vychad znajšoŭsia! Dla paŭnaty vobrazaŭ my vyrašyli skarystać liniejku adcienačnych blask-balzamaŭ Hot Colors ad «Bielita-M». Zhodna z abiacańniami vytvorcy, balzamy dajuć patrebnaje adcieńnie maksimum na 2-3 tydni.
Amal pałovaj redakcyi my pratestavali adcienačnyja balzamy na sabie. Spojler: było viesieła, i našy trendavyja pryčoski atrymali šmat kamplimientaŭ ad vypadkovych minakoŭ.
Biełaruskaja panelka
Panelki — heta toje, što ŭsich nas tym ci inšym čynam jadnaje. Čamuści bolš za ŭsio ŭ Minsku imi słavicca Kamiennaja Horka, ale taki typ zabudovy znojdziecca ŭ lubym biełaruskim (i nie tolki) rajonie.
Kab stać panelkaj, vam spatrebicca ŭsiaho ničoha: kardonnaja karobka, farby, pa žadańni — tkanina dla budučych firanak. Samaje viasiołaje ŭ stvareńni hetaha kaściuma — kaniešnie, razmaloŭka karobki. Dajcie volu fantazii, ujavicie, što moža adbyvacca za aknom kožnaj kvatery doma, jaki vy stvarajecie.
Supracoŭnik Minskzielenbuda
Stvaralniki samych nievierahodnych i kaśmičnych kvietnikaŭ, tyja, chto padtrymlivajuć u paradku staličnyja parki i hazony — my nie mahli abminuć uvahaj ludziej, jakija robiać Minsk zialonym i jarkim.
Samyja dobryja supracoŭniki hetaha pradpryjemstva pracujuć u Frunzienskim rajonie — mienavita jany darmova padzialilisia z nami formaj sa składa. Razynkaj ža vobrazu my zrabili vianok z vosieńskaha liścia.
Žetončyk minskaha mietrapalitena
Žetony — samaja nadziejnaja biełaruskaja valuta z 1992 hoda: mienavita tady ŭ mietro pačali vykarystoŭvać pieršyja malinavyja kruhlašy. Kali nie źviartali ŭvahu, to pahladzicie: mienavita hetaja data vyhraviravanaja na kožnym žetonie.
Za 26 hod našy žetony pieražyli nie adnu devalvacyju i denaminacyju, tak što stvareńniem kaściuma ŭ ich honar my, možna skazać, zdymajem pierad imi kapialuš. Kab znajści koler, blizki da aryhinału, my źmiašali ružovuju, čyrvonuju i fijaletavuju huaš.
Jak vam našy vobrazy? Kali spadabalisia, pasprabujcie paŭtaryć sami da 31 kastryčnika — siabry dakładna adznačać vaš kreatyŭ.
TAA «Bielika-M», UNP 190839042
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich4
Kamientary