Alaksandr Łukašenka zajaviŭ, što prapanoŭvaŭ Jerevanu zakuplać biełaruskija kompleksy «Pałanez», jakija Minsk taksama pastaŭlaje Baku, ale Armienija admoviłasia, paviedamlaje «RIA Novosti».
Minsk i Baku raźvivajuć supracoŭnictva ŭ vajskova-techničnaj śfiery, što krytykuje Jerevan, matyvujučy svaju pazicyju siabroŭstvam Biełarusi i Armienii ŭ ADKB.
U mai pres-słužba minabarony Azierbajdžana prainfarmavała, što reaktyŭnyja sistemy załpavaha ahniu (RSZA) «Pałanez» biełaruskaj vytvorčaści pryniatyja na ŭzbrajeńnie azierbajdžanskaj armii.
«Tak, dla mianie azierbajdžancy nie čužyja, ale my z vami (armianami — red.) Zaŭsiody byli razam, i nie treba nas paprakać, što my handlujem zbrojaj z Azierbajdžanam. I za što krytykujuć, za rakietny kompleks… Dyk voś, kab vy viedali: rakietny kompleks «Pałanez», kali my jaho atrymali, pastavili na ŭzbrajeńnie, my zaprasili na vyprabavańni… i armian, i azierbajdžancaŭ, i rasijan», — raspavioŭ Łukašenka na sustrečy z rasijskimi žurnalistami.
Padčas vyprabavańnia, praciahnuŭ Łukašenka, azierbajdžanski bok pierakanaŭsia ŭ vysokaj dakładnaści hetaha ŭzbrajeńnia i paprasiŭ jaho pradać. «A nam treba kredyt viartać, nam kitajcy dali kredyt pad heta… Ja tady…. kažu (Azierbajdžanu — red.): «Dobra, ja vam pradaju kompleks», i armianam kažu (viedaŭ, što buduć prablemy): «Ja hatovy vam anałahičny kompleks pastavić». Armianie admovilisia, spasłaŭšysia na toje, što ŭ ich jość rasijski «Iskander», — paviedamiŭ Łukašenka.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary