Sud prysudziŭ dvaich hramadzian Biełarusi da štrafaŭ za toje, što jany pakinuli ŭ 90 kabinkach raździavalni supracoŭnikaŭ Smalenskaj mytni chabary na sumu 3 miljony rasijskich rubloŭ (kala $45 tysiač). Pra heta paviedamlajecca na sajcie Śledčaha ŭpraŭleńnia SK pa Smalenskaj vobłaści.
Adznačajecca, što hiendyrektara tavarystva z abmiežavanaj adkaznaściu i jaho znajomaha prysudzili da štrafu ŭ pamiery 2 miljony rasijskich rubloŭ (kala $30 tysiač) i 1 miljon rasijskich rubloŭ adpaviedna (kala $15 tysiač). Pieršapačatkova sud pryznačyŭ vinavatym bolš bujny štraf, adnak z ulikam znachodžańnia padsudnych pad vartaj na praciahu dvuch hadoŭ pakarańnie źmiakčyli.
Pavodle śledstva, u listapadzie 2016 hoda biełarusy pakinuli ŭ 90 piersanalnych kabinkach mytnikaŭ hrošy, kab paskoryć praceduru mytnaha afarmleńnia hruzaŭ. Ich zatrymali na miescy złačynstva, kali adzin z abvinavačanych zakančvaŭ raskładvać hrošy ŭ kabinki.
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich4
Kamientary