Arciom Šrajbman, palityčny ahladalnik tut.by daŭ intervju kyky.org. U pryvatnaści, jon sprahnazavaŭ, čym skončycca sprava Maryny Zołatavaj.
Ja dumaju, što meta ŭład jašče ŭ pačatku spravy — skarystacca zručnaj padstavaj dla zapužvańnia miedyjapola. Pamiataješ, u našaj krainie zaŭsiody patrebna niejkaja pravavaja abhortka. Mabyć, prasłuchoŭvajučy Marynu i jaje telefon, jany pačuli cikavuju infarmacyju i raskrucili jaje da spravy. Akazałasia, što šmat ludziej i redakcyj karystalisia padpiskaj, a dalej užo śledčyja vyvodzili z-pad abvinavačvańnia ludziej u zaležnaści ad taho, zhadžalisia jany apłacić usio i pryznać svaju vinu ci nie. Da tych, chto patrabavaŭ advakata i ničoha nie kazaŭ, było asablivaje staŭleńnie. Dalej spravu stali vykarystoŭvać pa maksimumie: možna zrabić pieratrus i vyklučyć sierviery? Vydatna. Možna patrymać žurnalistaŭ try dni pa zakonie, kab jany va ŭsim pryznalisia? Vydatna. Jany prosta vykarystoŭvajuć pa maksimumie svaje pravavyja mahčymaści. A pryčynaj hetaj spravy pasłužyła ahulnaje razdražnieńnie siłavikoŭ dziejnaściu niedziaržaŭnych ŚMI. Jość viersija — i jaje vykazvaŭ Zisier, — što heta častka kampanii pa adciskańni tut.by. Jamu lepš vidać. Ale mnie zdajecca, tady b ataku nie rabili takoj viejernaj.
A idzie ŭsio da taho, što budzie sud. Upeŭnieny, Marynie vyniesuć abvinavaŭčy prysud, tamu što apraŭdvać pa palityčnych spravach našy sudy nie ŭmiejuć. Ja dumaju, što budzie vialiki štraf i, mahčyma, pazbaŭleńnie prava zajmacca žurnalisckaj abo kiraŭničaj dziejnaściu. Dumaju, jany pojduć na heta — i tupa tamu, što mašyna ŭžo zapuščana, jość złość siłavikoŭ asabista na Marynu.
Viadoma, mohuć umiašacca źniešnija faktary: naprykład, chtości rastłumačyć Łukašenku, što ad takoj spravy mohuć być vialikija reputacyjnyja nastupstvy, i ciapier jany, moža być, nie patrebnyja, kali ty vajuješ z Rasijaj i sprabuješ adkryvać zachodni viektar. Tady ŭsio moža źmianicca prosta na etapie suda. Nie vyklučaju. Ale pakul usio idzie pa pieršym, sumnym scenary. Tolki treba razumieć, što pazbaŭleńnie redaktara prava na jaho dziejnaść — heta amal pazbaŭleńnie prafiesijnaj svabody, heta budzie aśviatlacca ŭ suśvietnych ŚMI z takoj ža intensiŭnaściu, jak spravy palitviaźniaŭ. Tak što heta budzie šumna.
-
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli
-
Minsku treba vydušyć ź siabie pravincyjnaść i viarnuć nachabstva i blask Vialikaha Horada
-
Kamu jašče što moža stać treba «dla nacyjanalnaj biaśpieki» i jak tut być Biełarusi
Kamientary