U Kuała-Łumpury zatrymali dvuch rasiejcaŭ paśla šmatlikich skarhaŭ na vystup, padčas jakoha jany krucili na rukach i padkidvali ŭhoru čatyrochmiesiačnuju dačku. Videa z hetym vypadkam źjaviłasia ŭ fejsbuku. Palicyja paličyła, što dziejańni baćkoŭ niebiaśpiečnyja dla žyćcia dziciaci, piša «Kommiersant».
Zatrymanyja paviedamili palicejskim, što prybyli ŭ stalicu Małajzii z Tajłanda, dzie ładzili padobnyja pradstaŭleńni. Zatrymanymi akazalisia rasijskija vandroŭcy Michaił Bandaruk i Kaciaryna Šychmanava, im 28 i 27 hadoŭ. Sa słoŭ ich znajomaj, para viadzie «alternatyŭny ład žyćcia» i zajmajecca z dačkoj «dynamičnaj himnastykaj».
Jany padarožničajuć pa Azii, zajmajucca johaj, siłkujucca tolki sadavinaj, zaŭsiody chodziać basanož, nie ŭžyvajuć narkotyki. Michaił — muzykant, jaho žonka — mastačka.
Małajzijskaja palicyja pakul nie zaviaršyła rasśledavańnie. Pa miascovym zakonie, baćkam pahražaje pakarańnie ŭ vyhladzie štrafu ŭ pamiery 20 tysiač małazijskich rynhitaŭ (amal 5 tysiač dalaraŭ) abo turemnaje źniavoleńnie terminam da 10 hadoŭ.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary