U prakat viasnoj vychodzić biełaruska-rasijski film «Čorny pios» sumiesnaj vytvorčaści «Biełaruśfilm» i rasijskaj kampanii «Ńju art siniema pradakšn», paviedamlaje BiełTA.
Nad filmam, scenar jakoha napisany pa matyvach detektyŭnych tvoraŭ Mikałaja Čarhinca, pracavali biełaruskija i rasijskija kiniematahrafisty. Režysior karciny — Alaksandr Franskievič-Łaje, viadomy pa filmach «Major Vietraŭ», «U červieni 1941», «Tonki lod».
«Čorny pios» — karcina pra baraćbu z teraryzmam na Blizkim Uschodzie. Pa siužecie major śpiecnaza Andrej Rubcoŭ, vykonvajučy zadańnie pa niejtralizacyi bandy terarystaŭ, hublaje ŭ niaroŭnym bai ŭsich bajavych tavaryšaŭ. Cudam vyžyŭšy, jon vymušany pravieści doŭhi čas biez prytomnaści ŭ čužoj krainie. Viarnuŭšysia na radzimu, Rubcoŭ pomścić za hibiel siabroŭ, ratuje svaju siamju i dapamahaje likvidavać vierchavodaŭ mižnarodnaj złačynnaj hrupoŭki, jakaja imknułasia pastavić mir na miažu maštabnaj humanitarnaj katastrofy.
Asnoŭnaje dziejańnie karciny adbyvajecca ŭ Biełarusi. Bolšaja častka interjernych zdymak prajšła ŭ Minsku i Mikaševičach. U filmie zaniaty biełaruskija akciory Ihar Sihaŭ, Pavieł Južakoŭ-Charłančuk, Anatol Kot, Alaksandr Avierkaŭ dy inšaje
Televiersija filma ŭ čatyroch sieryjach startuje 3 sakavika na rasijskim telekanale NTV.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary