List čytača: «Sprabavaŭ dać abviestku na Praca.by pa-biełarusku. Nie dazvolili»
«Ja chacieŭ raźmiaścić na sajcie Praca.by svajo reziumie «Vykładčyk polskaj movy», zapoŭniŭ jaho, vysłaŭ, — napisaŭ nam čytač «Našaj Nivy», žychar Polščy Bartłumiej Vanat, — i atrymaŭ takoje paviedamleńnie:
Pierakłali ŭsio na inšuju movu, ale navat hetaha nie ŭmieli zrabić pravilna… I źmianili maju žadanuju prafiesiju. Vy lepš za mianie viedajecie, kim ja chaču pracavać?» — aburajecca Bartłumiej Vanat.
Bartłumiej Vanat — sileziec. Jon palihłot, u tym liku čytaje i piša pa-biełarusku.
* * *
Ad redakcyi: Charakterna, što sajt źmianiŭ reziumie, bo jano parušała praviły partała. Sapraŭdy, kali pračytać praviły raźmiaščeńnia vakansij i reziumie Praca.by, možna pabačyć takoje praviła 2.1.
«Da raźmiaščeńnia na Sajcie prymajucca abjavy na ruskaj abo anhlijskaj movie z vykarystańniem pry nabory tekstaŭ ruskaj/anhlijskaj raskładki kłavijatury. Zamiežnaja mova vykarystoŭvajecca ŭ abjavach ŭ vypadkach, vyznačanych zakanadaŭstvam RB ab rekłamie».
Takim čynam, biełaruski partał ź biełaruskaj nazvaj Praca.by faktyčna ŭsprymaje biełaruskuju movu jak zamiežnuju.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary