Skandał u Rasii: top-mieniedžar vychvalaŭsia na videa, jak śpić z usimi supracoŭnicami adrazu. Šok uzmacniŭsia, kali ŚMI raskapali, jak jon pralez na pasadu
Novy skandał u Rasii z top-mieniedžaram dziaržaŭnaha chołdynhu: namieśnik kiraŭnika «Rashieałohii» trapiŭ na videa, na jakim maciukajecca, jak kryminalnik, i pierad svajoj padnačalenaj pachvalajecca, jak śpić z roznymi kalehami adnačasova. Kali ŚMI stali kapać, akazałasia, što na vysokuju pasadu ŭ dziaržchołdynhu pralez čałaviek, jakoha šukali za atrymańnie chabaru i jaki mieŭ dačynieńnie da zabojstva.
Jon skončyŭ Suvoraŭskaje vučylišča, słužyŭ na sakretnaj pasadzie ŭ Hienštabie, paralelna zajmaŭsia sumnieŭnym biznesam. Jaho padazravali ŭ machlarstvie ź ziamielnymi ŭčastkami.
U 2011 hodzie jon schavaŭsia, a ŭžo ŭ 2012 hodzie źmianiŭ proźvišča i imia pa baćku i źnik z rosšuku. Jon byŭ inhuš Rusłan Mahamiedavič Hanižaŭ, a staŭ Rusłan Izraiłavič Horynh. Pad novym imieniem jon robić imklivuju karjeru ŭ hornazdabyŭnym siektary i za niekalki hadoŭ darastaje da pieršaha namieśnika kiraŭnika hihanckaha dziaržaŭnaha chołdynhu ź vializnymi abarotami — ujavicie značeńnie hieałahičnych pošukaŭ u syravinnaj krainie.
Padzieńnie 40-hadovaha Rusłana Izraiłaviča pačałosia paśla taho, jak niechta vykłaŭ u sieciva videa samazadavolenaha mieniedžara za hulnioj PUBG z tranślacyi na stryminhavym servisie Twitch.
U pasłužnym śpisie Hanižava-Horynha — u tym liku zabłytanaja sprava 2003 hoda ab zabojstvie jaho małodšaha brata Ihara na kuchni kvatery Rusłana ŭ Maskvie (adkaznaść tady ŭziaŭ na siabie baćka bratoŭ Hanižavych Mahamied).
Paśla źjaŭleńnia videa ŭ dačynieńni da Horynha była adnoŭlena sprava ab pasiarednictvie ŭ chabary, ale paźniej jaje pierakvalifikavali ŭ machlarstva. Byłoha top-mieniedžara abjavili ŭ vyšuk. Jon sprabavaŭ palacieć u Sočy i kupiŭ kvitki na niekalki rejsaŭ: na 08:00, na 10:00 i na 17:30. Na pieršyja dva rejsy jon prychodziŭ, kab «ahledziecca», ale nie advažvaŭsia padyści da stojki rehistracyi. U treci raz jon pasprabavaŭ trapić na rejs, ale jaho zatrymali supracoŭniki FSB i kryminalnaha vyšuku.
Sam Horynh zajaŭlaje, što ŭ jaho rabocie nie zmahli znajści karupcyjnaha składnika, tamu pryjšłosia «zaleźci ŭ asabistuju prastoru».
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza14
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary