Kiraŭnikam, śpiecyjalistam i słužačym AAT «Aršanski instrumientalny zavod» na praciahu troch hadoŭ płacili zavyšany zarobak, paviedamlaje Kamitet dziaržkantrolu.
Pradpryjemstvu naniesieny ŭron na sumu zvyš 265 tysiač rubloŭ.
U 2015-2017 hadach zarabotnaja płata na instrumientalnym zavodzie vypłačvałasia niesvoječasova. Kab utaić hety fakt, kiraŭniki pradpryjemstva, jakija pracavali ŭ tyja hady, unosili ŭ spravazdačy niedakładnyja źviestki. Tak, u adpaviednaści z zakanadaŭstvam pamier zarpłaty radavych rabotnikaŭ pry jaje niesvoječasovaj vypłacie zachoŭvajecca ŭ raniejšym pamiery, a zarpłata kiraŭnikoŭ, śpiecyjalistaŭ i słužačych pry hetym pavinna raźličvacca, zychodziačy z taryfnaj staŭki pieršaha razradu, ustanoŭlenaj dla rabotnikaŭ biudžetnaj śfiery. Pakolki taryfnaja staŭka była značna nižejšaj za tuju, što dziejničała na pradpryjemstvie, heta vyklikała značnaje źnižeńnie pamieru zarpłaty kiraŭnikoŭ. Kab hetaha paźbiehnuć, kiraŭniki instrumientalnaha zavoda davali niezakonnyja ŭkazańni ab vypłacie zarabotnaj płaty ŭ zavyšanych pamierach dla kiraŭnikoŭ, śpiecyjalistaŭ i słužačych.
Suprać dvuch byłych kiraŭnikoŭ instrumientalnaha zavoda raspačatyja kryminalnyja spravy pa č.3 art.424 (złoŭžyvańnie ŭładaj abo słužbovymi paŭnamoctvami) i č.2 art.427 (słužbovy padłoh) Kryminalnaha kodeksa. Viadziecca rasśledavańnie.
Kamientary