Viaskoviec spaliŭ miortvuju dačku na padvorku: stała viadoma, čamu biełarusam zabaroniać raźviejvać prach pamierłych
U Biełarusi źmieniacca «pachavalnyja» zakony: siarod inšaha, zabaroniać nietradycyjnyja sposaby pachavańniaŭ, nielha budzie, naprykład, raźviejać prach pamierłaha. Adpaviedny zakon parłamient pryniaŭ u pieršym čytańni.
Čytajcie: U Biełarusi zabaroniać raźviejvać prach pamierłaha
Pa słovach čynoŭnikaŭ, heta źviazana ŭ tym liku i z historyjaj, jakaja adbyłasia hod tamu na Hrodzienščynie. Tady viaskoviec z-pad Navahradka spaliŭ cieła svajoj dački ŭ siabie na ŭčastku, a popieł raźviejaŭ.
Zdaryłasia ŭsio hod tamu ŭ vioscy Jatra. Žančyna była zaniataja miesiačnym dziciom i nie dahladzieła svaju druhuju dačku. Dvuchhadovaja dziaŭčynka vyjšła pahulać z sabakam i źnikła. Mama dziaŭčynki pazvaniła ŭ milicyju, u toj ža dzień cieła dziciaci znajšli ŭ race Jatrancy.
Cieła dziaŭčynki viarnuli baćkam. Ale tyja chavać dačku nie stali. Zamiest hetaha jany spalili cieła na padvorku.
Jak kažuć miascovyja žychary, heta było źviazana z relihijnymi pohladami baćkoŭ. Jany, maŭlaŭ, ci to kryšnaity, ci to induisty. Žyvuć cicha, nie pjuć, nikomu nie pieraškadžajuć. Sami nie miascovyja, pryjechali z roznych haradoŭ. Cikava, čamu siamja vybrała mienavita Jatru, moža być, praz nazvu? Bo «jatra» ŭ induiźmie — heta hrupavoje pałomnictva, śviatkavańnie ci hrupavoje vykanańnie rytuału.
Ale paśla śmierci dački siamjoj zacikaviłasia prakuratura. Praviali pravierku.
Vyśvietliłasia, što baćka dziaŭčynki nidzie nie pracuje, raniej byŭ sudzimy. Jaho sužycielka naradžała druhoje dzicia doma, biez daktaroŭ. U ZAHSie dzicia taksama nie rehistravali. Rekamiendacyi daktaroŭ nakont dziaciej siamja prosta ihnaravała.
Siońnia siamja praciahvaje žyć u Jatry. U aficyjnym šlubie ŭsio jašče nie znachodziacca. Mužčyna na hety momant za miažoj, jeździć tudy na zarobki. Žančyna zastałasia ŭ vioscy, haduje dzicia.
Ciapier čytajuć
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ9
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ77
Kamientary