Žonka kandydata ŭ prezidenty Ukrainy Uładzimira Zialenskaha Alena Zialenskaja patłumačyła «Apostrafu», čamu šoŭmien tak redka vystupaje pierad žurnalistami.
«Ciapier u jaho bok hučyć šmat pretenzij, što jon chavajecca ad presy. Ja nie raiła jamu vychodzić da žurnalistaŭ. Nasamreč i biez taho šmat vychadaŭ, kamuści admaŭlajuć, ale mnohim nie. Prosta ŭsio paśpieć nierealna», — zajaviła jana.
Pa słovach Aleny Zialenskaj, jaje muž apošnija miesiacy «nazapašvaje viedy i vopyt». Jana padkreśliła, što Uładzimir Zialenski «cełymi dniami» pravodzić kansultacyi z ekśpiertami.
«Heta składany praces, heta navat nie vučoba, heta praca. Jon pavinien pahłybicca faktyčna va ŭsio i heta niemahčyma zrabić za adnu chvilinu. Jon zaraz eksternam prachodzić kurs maładoha bajca, i mnie zdajecca, paśpiachova», — skazała jana, kamientujučy zajavy pra adsutnaść palityčnaha dośviedu ŭ Zialenskaha.
Kamientary