Dva tydni tamu armija Ałžyra zmusiła syści ŭ adstaŭku prezidenta Abdelaziza Buteflika, jaki kiravaŭ krainaj 20 hadoŭ. Heta było vynikam masavych narodnych pratestaŭ suprać namieru Buteflika, prykutaha da invalidnaha vazka, zastacca va ŭładzie nadalej. Pratesty moładzi praciahvajucca. Kab supakoić nasielnictva, armija Ałžyra pačała čystku vyšejšych orhanaŭ ułady i biznesu.
Siarod aryštavanych pa abvinavačvańni ŭ karupcyi miljarderaŭ — Isad Rebrab i čatyry braty z rodu Kuninef.
Jak paviedamlaje dziaržaŭnaje telebačańnie Ałžyra, u sud vyklikanyja taksama były premjer Achmied Ujachija i dziejny ministr finansaŭ krainy — abodva nabližanyja da Buteflika.
Ałžyr — arabskaja kraina na poŭnačy Afryki, bahataja naftaj i hazam. Jaje płošča ŭ 9 razoŭ bolšaja za płošču Biełarusi, a nasielnictva składaje 42 młn čałaviek. Armija adyhryvaje važnuju rolu ŭ palityčnym žyćci Ałžyra ad časoŭ partyzanskaj vajny za niezaležnaść ad Francyi.
Kamientary