U Breście na čarhovuju akcyju suprać akumulatarnaha zavoda sabrałasia 150 čałaviek
5 maja na płoščy Lenina ŭ Breście prajšło tradycyjnaje karmleńnie hałuboŭ u znak pratestu suprać budaŭnictva pad Brestam akumulatarnaha zavoda, paviedamlaje Bresckaja hazieta.
Pa dadzienych pravaabaroncy Ramana Kiślaka, u 12.40 na płoščy znachodziłasia kala 120 čałaviek. Za prysutnymi nazirali supracoŭniki milicyi ŭ formie i cyvilnym, AMAP. Ludziej papiaredzili ŭ miehafon ab niedapuščalnaści parušeńnia zakona ab masavych mierapryjemstvach.
«Ci pradoŭžacca pratesty — treba spytać u ludziej. Usio zaležyć ad ich. Ja budu siudy chadzić stolki, kolki chopić sił. Ja ŭpeŭnieny, što hety zavod pieraniasuć. Tut treba zadać pytańnie: što jany (ułady) buduć rabić z faktam zabrudžvańnia? A toje, što jano nastupić, ja nie sumniavajusia. I što jany buduć rabić pierad vybarami? Bolš pytańniaŭ da ich, a nie da mianie», - skazaŭ adzin ź lidaraŭ inicyjatyŭnaj hrupy Dziamjan Lepiasievič.
Siońnia paśla karmleńnia hałuboŭ šeścia nie było. Kala 13.05 amal usie razyšlisia.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary