Paśla Kupalskaha tydnia ŭ pieršaj pałovie lipienia ŭ Kupałaŭskim — premjera! Na Vialikaj scenie adbudziecca śpiektakl «Šlachcic Zavalnia, abo Biełaruś u fantastyčnych apaviadańniach» u režysury Aleny Hanum. Insceniroŭku pavodle vydatnaha tvora Jana Barščeŭskaha zrabiŭ Siarhiej Kavaloŭ, paviedamlajecca na sajcie teatra.
Teatr padstupaŭsia da pastanoŭki «Šlachcica» spakvala. Hartali albomy ź nievierahodnaj hrafikaj Valeryja Słavuka, šmat razmaŭlali. Ź viciebska-połackim kałarytam tvora artystaŭ na samym pačatku pracy znajomiŭ zaprošany piśmieńnik-pałačanin Uładzimir Arłoŭ.
Razam naviedali słavutyja miaściny Barščeŭskaha ŭ Połacku. A niadaŭna pryjšła navina z Vałyni, z hopada Čydnaŭ, pra niečakanuju znachodku nadhrobka Jana Barščeŭskaha. Plitu na padvorku doma adšukała školnica Alena. Jak nie zhadać słovy samoha Barščeŭskaha: «Nielha ludziam piarečyć, što niama cudaŭ na śviecie».
Histaryčny čas budzie pieraplatacca ŭ śpiektakli z časam mifałahičnym. A jahony aleharyčny źmiest padmacuje vydatnaja scenahrafija mastakoŭ Kaciaryny Šymanovič i Siarhieja Ašuchi. Aryhinalnuju muzyku dla pastanoŭki piša kampazitar Viktar Kiścień. Chareohraf pastanoŭki — Volha Skvarcova.
U śpiektakli zaniatyja Hienadź Aŭsiańnikaŭ, Mikałaj Kučyc, Alena Sidarava, Tamara Mironava, Ivan Kušniaruk, Ivan Trus, Raman Padalaka, Siarhiej Čub, Valancina Harcujeva, Antanina Dubatoŭka, Marta Hołubieva, Kryścina Drobyš, Michaił Zuj, Pavieł Paŭluć, Alaksandr Zielanko, Alaksandr Paŭłaŭ dy šmat inšych kupałaŭcaŭ.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Ciapier čytajuć
U kadr znoŭ trapiła, jakim pamieram šryfta dla Łukašenki drukujuć vystupy, kab jon bačyŭ16
Kamientary