Moładź Minska 25 maja prezientuje patryjatyčny prajekt «Letam 44-ha …», pryśviečany 75-hodździu vyzvaleńnia Biełarusi ad niamiecka-fašysckich zachopnikaŭ, paviedamili karespandentu BiełTA ŭ Minskim haradskim kamitecie BRSM.
Centralnaj padziejaj stanie rekanstrukcyja šeścia partyzanskaha paradu, jaki 16 lipienia 1944 hodu prachodziŭ u stalicy z nahody vyzvaleńnia horada ad niamieckaj akupacyi na byłym haradskim ipadromie ŭ rajonie vuł. Čyrvonaarmiejskaja. Parad abjadnaŭ 30 tys. čałaviek.
Z 13.00 da 13.30 pa vuł. Kamsamolskaja da skryžavańnia vuł. Kirava z pr. Niezaležnaści projdzie kałona z końnicaj, partyzanami i padpolščykami — pieraapranutymi aktyvistami BRSM. Uznačalić šeście lehiendarny kazioł pa mianušcy Małyš — u 44-m jon staŭ adnym z talismanaŭ paradu. Na impravizavanaj trybunie źbiarucca vieterany, udzielniki partyzanskaha ruchu i parada 1944 hoda.
Taksama ŭ 13.00 u skviery na vuł. Kamsomolskaja pačnuć pracu interaktyŭnyja placoŭki. Adkryjucca zborny punkt vajenkamatu, štab partyzanskaha ruchu, partyzanskija łahier i špital, kamsamolski padpolny štab, vajenna-palavaja pošta ihd.
Tut ža možna budzie paŭdzielničać u majstar-kłasach pa strajavoj padrychtoŭcy, zborcy-razborcy aŭtamataŭ, stralbie ŭ ciry. Hości zmohuć prajechać na kani, patančyć vals i pradehustavać sałdackuju kašu.
Na impravizavanaj mabilnaj sceničnaj placoŭcy adbudziecca kancert z udziełam tvorčych studenckich kalektyvaŭ. Zavieršyć śviata prahrama «Pieśni vajennych hadoŭ».
U rekanstrukcyi paradu voźmuć udzieł kala 700 čałaviek.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie3
Kamientary