Uładzimir Zamiatalin, jaki pamior 7 lipienia va ŭzroście 71 hoda, na vybarach 1994 hoda byŭ u kamandzie premjer-ministra Viačasłava Kiebiča. Užo potym jon syšoŭ da Alaksandra Łukašenki.
Viačasłaŭ Kiebič daviedaŭsia pra śmierć Zamiatalina ad «Našaj Nivy».
Viačasłaŭ Kiebič: Kolki jamu hadoŭ było?
«NN»: 71 hod.
VK: Rana sychodzić, vielmi rana… Jon staraŭsia, rabiŭ usio, što ad jaho patrabavałasia. U jaho atrymlivałasia šmat što, ale byli takija časy, kali navat dzie i pamyliŭsia, to nie treba jaho za heta dakarać. Mahu skazać pra jaho tolki dobraje: ruplivy i hramatny čałaviek byŭ.
Tak, heta jon prydumvaŭ chady dla majoj pieradvybarčaj kampanii. Było takoje. Heta jon zapuściŭ kaliści «kačku», što Łukašenka skraŭ fien u ściuardesy. Ale siońnia ja b nie chacieŭ pra heta doŭha kazać.
Pierad tym, jak pajści ŭ inšuju kamandu, jon pryjšoŭ da mianie i spytaŭ dazvołu, heta robić jamu honar. Jon spytaŭ: «Vy nie budziecie suprać, kali ja syjdu?» Ja ž razumieŭ, što žyć treba. A to niekatoryja nie prosta kidali, ale jašče i brachać pačynali.
«NN»: Ci lubiŭ jon Biełaruś? Alaksandr Fiaduta kaža, što tak i nie zmoh palubić Biełaruś, bo jaho radzimaj byŭ SSSR.
Viačasłaŭ Kiebič: Badaj što ja zhadžusia ź Fiadutam.
***
Što za historyja była ź fienam?
U 1994 hodzie ŭ razhar prezidenckaj kampanii na ekranach telebačańnia źjaviŭsia rolik, u jakim kandydata Łukašenku abvinavačvali ŭ kradziažy fiena ŭ ściuardesy.
Sam Łukašenka na heta adkazvaŭ: «Navošta mnie fien? Ja ž łysy!» Ale «čorny pijar» nie spracavaŭ, ludzi nie pavieryli ŭsiamu hetamu.
Deputat Viarchoŭnaha Savietu ad Apazicyi BNF Siarhiej Navumčyk śćviardžaje, što historyja ź fienam sapraŭdy była. U 1992 hodzie hrupa čynoŭnikaŭ, a taksama deputataŭ Viarchoŭnaha Savieta latała ŭ Kitaj. Pryčym nie ŭradavym samalotam.
Ściuardesa paskardziłasia Kiebiču, što ŭ jaje prapaŭ fien. Tady premjer-ministr zahadaŭ pravieryć kožny bahaž, pačynajučy sa svajho, i nibyta fien znajšoŭsia ŭ valizie Łukašenki. Ale sam deputat Łukašenka skazaŭ, što heta atrymałasia vypadkova, tamu nijakich nastupstvaŭ heta nie mieła.
Ciapier čytajuć
«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ1
Kamientary