Jaki los čakaje ofisny budynak na Dziaržynskaha, što nie moža adkrycca ŭžo niekalki hadoŭ?
Uźviadzieńnie budynka ŭ pačatku praśpiekta Dziaržynskaha ŭ Minsku pačałosia dziesiać hadoŭ tamu. Heta kłasičny biznes-centr z płoščami pad kramy.
Jaho dabudavali, ale jak tłumačać krynicy «Našaj Nivy» ŭźnikli prablemy z uvodam u ekspłuatacyju. U pryvatnaści, paśla trahiedyi ŭ rasijskim handlovym centry «Zimovaja višnia» pažarnyja pilna padyšli da vykanańnia ŭsich normaŭ. I nibyta vyjaviłasia, što prajekt nie całkam adpaviadaje im.
Praŭda, u kampanii-zabudoŭščyku, «RM-Markiet» (dyler Opiela ŭ Biełarusi, jaki chacieŭ adkryć u budynku i aŭtamabilny sałon), śćviardžajuć, što ŭsie prablemy narešcie vyrašanyja i abjekt zdadzieny ŭ ekspłuatacyju.
«A arendnych miescaŭ užo niama! Usio zdadziena», — zapeŭnivajuć tam, nie ŭdakładniajučy, kali centr adkryjecca.
U administracyi Maskoŭskaha rajona «Našaj Nivie» taksama skazali, što abjekt uviedzieny ŭ ekspłuatacyju. «Na Dzień horada, spadziajemsia, na pieršym paviersie adkryjecca krama», — udakładniajuć čynoŭniki.
Možna mierkavać, što majecca na ŭvazie krama «Bihz», jakaja miełasia adkrycca ŭ biznes-centry jašče try hady tamu.
My adrasavali pytańnie i tudy, na što namieśnik dyrektara pa markietynhu, spadar Robiertas Šulaŭskas patłumačyŭ, što technična da adkryćcia krama hatovaja — tam staić technika, zastalisia łahistyčnyja detali, jakija zojmuć kala miesiaca.
«Ale dla taho, kab adkrycca, treba, kab nam pradastavili dakumienty, što ŭsio dobra. Pakul ja hetych dakumientaŭ nie bačyŭ, čakajem», — skazaŭ Šulaŭskas.
«Ahułam na budynak našaje stanoŭčaje zaklučeńnie jość. Kali iści bolš kankretna — naprykład, niechta zachoča adkryć spartovuju zału, to buduć patrabavańni kankretna pad zału. Ale ahułam zaklučeńnie jość», — skazaŭ «Našaj Nivie» pradstaŭnik MNS Vital Navicki.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary