Navalnaha adpravili ŭ śpiecpryjomnik z dyjahnazam «kantaktny dermatyt»
Paśla sutak znachodžańnia ŭ maskoŭskaj haradskoj kliničnaj balnicy № 64 Alaksieja Navalnaha vypisali i adpravili nazad u śpiecpryjomnik dla ŭtrymańnia asob, aryštavanych u administracyjnym paradku. Pra heta paviedamiła žurnalistam doktar Navalnaha Anastasija Vasiljeva, pieradaje RBK.
Doktar: Simptomy Navalnaha vielmi nahadvajuć atručeńnie chimičnymi rečyvami, kanvoj nas nie dapuściŭ da jaho
Advakat Navalnaha Volha Michajłava adrazu paśla vypiski palityka paabiacała chadajničać ab admienie jaho aryštu «ŭ suviazi sa stanam zdaroŭja».
Vasiljeva raspaviała, što vypiscy Navalnaha papiaredničaŭ kansilium daktaroŭ, jakija pastavili jamu dyjahnaz «kantaktny dermatyt». Sama jana z takoj vysnovaj nie zhodna. Pa słovach Vasiljevaj, choć aciok tvaru, ź jakim Navalnaha dastavili ŭ lačebnuju ŭstanovu, spaŭ, paśla admieny preparataŭ treba nazirać za jaho stanam. Jak adznačyła Vasiljeva, kantaktny dermatyt pavinien prajaŭlacca tam, dzie byŭ kantakt, a ŭ Navalnoho hienieralizavanaje vysypańnie (heta značyć pa ŭsim ciele, biez akreślenych ačahoŭ).
Raniej Vasiljeva raspaviadała, što špitalizavanaha apazicyjaniera joj udałosia ahledzieć tolki praź dźviery. Pavodle jaje słoŭ, u jaho byli vysypańni na šyi śpinie, hrudziach, łokcievych zhinach ruk. Na padstavie skarhaŭ i simptomaŭ Vasiljeva vykazała zdahadku, što havorka išła pra vostry taksičny kieratakanjunktyvit, dermatyt i ahulnuju intaksikacyju.
U svaju čarhu municypalny deputat staličnaha rajona Danski Uładzimir Zališčak, jakomu ŭdałosia ranicaj u paniadziełak pahutaryć z namieśnikam hałoŭnaha ŭrača, raspavioŭ, što, na dumku apošniaha, pryčynaj alerhii mahła stać reakcyja na pralny parašok.
Navalnoho dastavili ŭ balnicu ź śpiecpryjomnika ranicaj u niadzielu, 28 lipienia. Pres-sakratar palityka Kira Jarmyš paviedamiła, što ŭ jaho źjaviŭsia mocny aciok tvaru i pačyrvanieńnie skurnych pakrovaŭ, paśla čaho supracoŭniki IČU vyklikali chutkuju dapamohu.
Alaksiej Navalny — antykarupcyjny błohier i samy viadomy krytyk Uładzimira Pucina. Jon vyjaviŭ fakty najaŭnaści ŭ ludziej z koła Pucina majomaści na sumy, jakija ŭ šmat razoŭ pieravyšajuć aficyjnyja dachody dziaržčynoŭnikaŭ. Navalnaha nie raz sudzili i aryštoŭvali, ciapier jon adbyvaje čarhovyja 30 sutak, hetym razam za zaklik da mitynhu pratestu suprać nierehistracyi apazicyjnych kandydataŭ na miascovych vybarach u Maskvie.
Ciapier čytajuć
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ18
Kamientary