Hamadryły, antyłopa, voŭk čyrvony i janot, i manhust, i papuhai — vo kampanija jakaja
Jak paviedamiła BiełaPAN namieśnik dyrektara Minskaha zaaparku Natalla Lebiedzieva, ekzataryum —
heta vialiki trapičny paviljon vyšynioj 14 mietraŭ i płoščaj 1,5 tys. kv. m dla pradstaŭnikoŭ fauny Paŭdniovaj Amieryki.Jaho budynak budzie ŭzvodzicca pavodle unikalnaja dla Biełarusi prajekta, jaki praduhledžvaje raźmiaščeńnie ŭ paviljonie razam z ekzatyčnymi raślinami dvuch basiejnaŭ, vadaspadu, akvaryumaŭ i akvateraryumaŭ.
U centralnaj kruhłaj častcy paviljona dyjamietram 36 m buduć znachodzicca drobnyja małpy, papuhai i vialikaja kalekcyja reptylij. U štučnych vadajomach buduć ryby raki Amazonki, u dekaratyŭnych skałach — kažany. Adna z prybudoŭ pryznačana dla drapiežnikaŭ — ačkovych miadźviedziaŭ, pum i inšych žyvioł, druhaja — dla ptušak, u asnoŭnym vodnych i vodna‑bałotnych vidaŭ.
Budaŭnictva ekzataryuma budzie doŭžycca pryblizna paŭtara hoda. Pavodle słoŭ N.Lebiedzievaj, uviadzieńnie ekzataryuma ŭ ekspłuatacyju dazvolić značna razhruzić isnujučyja valjery, a taksama pakazać šyrokaj publicy ciepłalubnych žyvioł, jakija ciapier nie ekspanujucca z‑za adsutnaści nieabchodnych umoŭ abo niedachopu pamiaškańniaŭ.
Jak paviedamiła namieśnik dyrektara zaaparku, tolki za kastryčnik—śniežań minułaha hoda kalekcyja zaaparku značna papoŭniłasia. Z češskaha zaaparku ŭ horadzie Hłuboka‑nad‑Vłtavaj u Minsk pierajechali
čatyry maładyja čyrvonyja martyški, z Kaŭnaskaha zaaparku — čatyry darosłyja asobiny hamadryłaŭ, antyłopa hnu i inšyja žyvioliny. Z Maskvy ŭ śniežni byŭ pryviezieny čyrvony voŭk, ź Leninhradskaha zaaparku — para 7—8‑miesiačnych aleniaŭ Davida, dva janoty‑pałaskuny, pałasatyja manhusty, hrupa nasuch.
«My nie źbirajemsia na hetym spyniacca», — zajaviła N.Lebiedzieva. Pavodle jaje słoŭ, u najbližejšych płanach — značna pavialičyć pahałoŭje žyvioł Minskaha zaaparku roznymi vidami małpaŭ. Ciapier u zaaparku ŭtrymlivajecca bolš za 1 tys. 700 asobinaŭ žyvioł 280 vidaŭ.
Jak nahadała N.Lebiedzieva, rekanstrukcyja staličnaha zaaparku i budaŭnictva novych abjektaŭ pačałosia ŭ 2000 hodzie. Kancepcyja budaŭnictva treciaj čarhi była zaćvierdžana 12 sakavika 2008 hoda na siesii staličnaha harsavieta. Płanujecca, što da zaviaršeńnia rekanstrukcyi płošča Minskaha zaaparku ŭzraście z 14 da prykładna 42 hiektaraŭ. «Ciapier budaŭničyja raboty ŭ zaaparku iduć poŭnym chodam, — zaznačyła N.Lebiedzieva. — My spadziajemsia, što abnaŭleńnie valjeraŭ i nabyćcio novych žyvioł pryciahnie da nas novych naviednikaŭ».
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza13
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary