Staruju brukavanku znajšli na pryvakzalnaj płoščy ŭ Baranavičach. Budaŭniki jaje raźbirajuć i vyvoziać na pierapracoŭku
Pra znachodku kala čyhunačnaha vakzała «Baranavičy-Paleskija» Intex-press paviedamiŭ žychar horada Viktar Mieziak. Mužčyna aburany tym, jak abychodziacca z histaryčnaj spadčynaj Baranavič.
Viktar Mieziak raspaviadaje, što padčas rekanstrukcyi pryvakzalnaj płoščy pad asfaltam budaŭniki vyjavili staruju brukavanku. Ciapier jaje demantujuć i vyvoziać.
— Jak možna tak rabić z histaryčnaj spadčynaj horada? U Baranavičach i tak bruku amal nie zastałosia. Niaŭžo jaho prosta vykinuć? — razvažaje mužčyna.
Balasłaŭ Tumaščyk, były hałoŭny architektar Baranavič, raspavioŭ Intex-press, što brukavanka, jakaja lažała na pryvakzalnaj płoščy, jak miarkujecca, z hranitu. Jaje vykłali ŭ pačatku XX stahodździa.
Kali bruk zakatali ŭ asfalt, dakładna nieviadoma. Viktar Mieziak kaža, što heta adbyłosia ŭ 90-ja hady.
— Tady, paśla razvału SSSR, my spadziavalisia, što pad asfaltam jana zachavajecca. I potym, kali pryjduć lepšyja časy, joj znojduć hodnaje prymianieńnie, — raspaviadaje Viktar. — A ciapier jaje prosta raźbirajuć i viazuć niezrazumieła kudy.
Balasłaŭ Tumaščyk ličyć, što bruk možna chacia b častkova zachavać, vybrukavać, naprykład, terytoryju kala fantana pobač z vakzałam.
— Dla parkoŭki jana nie vielmi padychodzić, bo ślizkaja zimoj. A miesca kala fantana — całkam udałaje, — razvažaje były hałoŭny architektar.
Va ŭpraŭleńni architektury i horadabudaŭnictva Baranavickaha harvykankama rastłumačyli, što ŭpieršyniu čujuć pra takuju znachodku.
U SMP-760, dzie zajmajucca rekanstrukcyjaj pryvakzalnaj płoščy, paviedamili, što bruk pieradajuć «Baranavičyramstroju».
U «Baranavičyramstroi» Intex-press skazali, što bruk znachodzicca ŭ drennym stanie i jaho adpraŭlajuć na pierapracoŭku.
Viktar Mieziak maje namier źviarnucca ŭ Baranavicki harvykankam, va ŭpraŭleńnie architektury i horadabudaŭnictva Baranavickaha harvykankama z prośbaj zachavać histaryčnuju spadčynu horada.
— Nidzie ŭ radyusie 200 kiłamietraŭ ad horada takoj brukavanki niama. Budzie kryŭdna, kali joj nie znojduć hodnaha prymianieńnia i prosta adpraviać na pierapracoŭku, — aburajecca mužčyna.
-
Novy trend u płaniroŭcy pamiaškańniaŭ: sanvuzły ŭnutry pakojaŭ za rassoŭnymi ścienami ci navat bieź ich
-
U parku žyvioł la Baranavičaŭ možna paabdymacca z kapibaraj za 100 rubloŭ
-
Prahnoz nadvorja ad Hidramietcentra Rasii samy niajakasny siarod kankurentaŭ. A jakija madeli pradkazvajuć nadvorje najlepš?
Kamientary