Brekzit biez damovy pahražaje pierabojami z charčami i lekami, — Sunday Times cytuje ŭradavyja dakumenty
Vialikabrytanii pahražajuć «značnyja» zboi, kali jana vyjdzie ź ES biez dasiahnieńnia handlovaha pahadnieńnia, havorycca vy ŭradavych dakumientach, jakija apublikavała vydańnie Sunday Times. Pra heta piša Radyjo Svaboda.
Pieraboi z pastaŭkami medykamentaŭ, charčavańnia i paliva mohuć praciahnucca da paŭhoda, havorycca ŭ daśje, padrychtavanym uradam pad kodavaj nazvaj «Aperacyja žoŭty mołat». Pavodle Sunday Times, urad razhladaje heta nie jak najhoršy, a jak najbolš imavierny scenar.
«Daśje daje redkuju mahčymaść zirnuć na sakretnuju padrychtoŭku, jakuju viadzie ŭrad, kab paźbiehnuć katastrafičnaha kalapsu ŭ infrastruktury krainy», — piša Sunday Times.
Dla ŭradu Niamieččyny vychad Vialikabrytanii z Eŭraźviazu biez damovy nia stanie niečakanaściu, — zajaviła ŭ niadzielu, 18 žniŭnia, niamieckaja kanclerka Anhieła Merkiel. Jana vystupiła ŭ Berlinie pierad publikaj, jakaja sabrałasia kala budynka ŭradu z nahody tradycyjnaha Dnia adčynienych dźviarej.
Było b lepš, kab Vialikabrytanija vyjšła z Eŭraźviazu pavodle damovy ab vychadzie, ale kali hetaha nie atrymajecca damahčysia, to Niamieččyna hatovaja «i da inšych varyjantaŭ», cytuje Merkiel «Niamieckaja chvala».
Raniej premjer-ministar Vialikabrytanii Borys Džonsan nieadnarazova zajaŭlaŭ, što ŭ lubym vypadku maje namier vyvieści krainu z EZ da 31 kastryčnika, navat kali daviadziecca nakinuć Eŭraźviaz biez damovy.
Lider brytanskaj apazycyjnaj partyi lejbarystaŭ Džeremi Korbin miarkuje, što ŭrad krainy nia maje paŭnamoctvaŭ na «Breksyt» biez pahadnieńnia z Bruselem. Pra heta Korbin napisaŭ 14 žniŭnia ŭ liście da lideraŭ apazycyjnych palityčnych partyj i deputataŭ brytanskaha parlamentu. Palityk maje namier praduchilić raźvićcio padziej pa takim scenary, u pryvatnaści, inicyjavaŭšy hałasavańnie ab daviery Borysu Džonsanu.
Kamientary