U Irkucku ŭstupiŭ u siłu prysud byłomu vajskoŭcu-kantraktniku Alaksandru Novikavu, jaki atrymaŭ miedal za ŭdzieł u bajach u Siryi i paśla viartańnia padarvaŭ štab pałka. Pra heta piša «Kommiersant'».
Irkucki harnizonny vajenny sud raniej prysudziŭ Novikava da piaci hadoŭ źniavoleńnia za chulihanstva i niezakonny abarot zbroi. Apielacyjnaja instancyja Uschodnie-Sibirskaha akruhovaha vajennaha suda pryznała prysud pieršaj instancyi zakonnym.
Pa infarmacyi śledstva, mužčyna prachodziŭ słužbu pa kantrakcie ŭ asobnym źmiešanym avijacyjnym pałku i 24 maja 2018 hoda dziažuryŭ u stałoŭcy inžynierna-techničnaha składu. Tam jon znajšoŭ bryzientavuju sumku z vybuchovym prystasavańniem z traciłam i hieksahienam. Jaho mahutnaść była ekvivalentnaja 1,3 kiłahrama traciłu. Novikaŭ niekalki razoŭ pierachoŭvaŭ bombu, zatym u try hadziny nočy 25 maja pieranios jaje da budynka pałka, pastaviŭ na hanku, padpaliŭ knot i ŭciok.
Budynku byli naniesienyja surjoznyja paškodžańni — byŭ całkam razburany zašklony kalidor, a kavałki kanstrukcyj raźlacielisia ŭ radyusie da 70—75 m.
Pamočnik dziažurnaha pa štabie atrymaŭ množnyja traŭmy, u tym liku ŭ rajonie hałavy, šyi i ruk. Praca štaba była paralizavanaja, a častki — dezarhanizavanaja.
27 maja sałdat napisaŭ jaŭku z pavinnaj, u jakoj ukazaŭ, što pryniaŭ vybuchovy pakiet za navučalny i chacieŭ pažartavać. Paźniej svaje dziejańni jon patłumačyŭ užo žadańniem pryciahnuć uvahu kamandavańnia dalokaj avijacyi da prablem častki i drennaj pracy vajskoŭcaŭ. Pra jakija mienavita prablemy išła havorka, nie ŭdakładniajecca.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1111
Kamientary