Ułady Hankonha adklikali zakonaprajekt, suprać jakoha vystupali pratestoŭcy
Kiraŭnik Hankonha Kery Łam zajaviła, što sprečny zakonaprajekt ab ekstradycyi całkam adklikany. Pra heta paviedamlaje South China Morning Post.
Jana taksama padkreśliła, što ciapier samym hałoŭnym pryjarytetam źjaŭlajecca spynieńnie hvałtu, adnaŭleńnie paradku i zabieśpiačeńnie viaršenstva zakona.
«Niezaležna ad našych kryŭd abo hłybini niezadavolenaści ŭ adnosinach da ŭrada, my nie možam pahadzicca ci pryznać, što hvałt źjaŭlajecca rašeńniem našych prablem», — padkreśliła Łam. Jana taksama prapanavała vyrašać kanflikty z dapamohaj pieramovaŭ i razam šukać rašeńnie vostrych prablem.
Pratesty ŭ Hankonhu doŭžacca bolš za dva miesiacy. Masavyja akcyi pačalisia ŭ červieni ŭ adkaz na płany rajonnaj administracyi dazvolić vydaču padazravanych u ździajśnieńni złačynstvaŭ u macierykovuju častku Kitaja. Niahledziačy na admovu ŭładaŭ Hankonha ad realizacyi hetych płanaŭ, demanstranty stali patrabavać rasśledavańnia zališnie žorstkich dziejańniaŭ palicyi ŭ dačynieńni da pratestoŭcaŭ i adstaŭki Łam z pasady kiraŭnika administracyi rehijonu.
Čamu i jak pratestuje Hankonh
60‑hadovaja pjanaja biełaruska pieratvaryła palot z Paryža ŭ Vilniu ŭ kašmar3
Kamientary