Łukašenka paabiacaŭ damovicca z Trampam, kab nastupny lohkaatletyčny matč Jeŭropa — ZŠA pravieści znoŭ u Minsku
Alaksandr Łukašenka siońnia na cyrymonii adkryćcia lohkaatletyčnaha matču Jeŭropa — ZŠA prapanavaŭ pravieści nastupnuju sustreču spartsmienaŭ, jakaja zapłanavana na 2021 hod, znoŭ u Minsku, pieradaje karespandent BiełTA.
Pa praviłach, u 2021 hodzie matč pamiž Jeŭropaj i ZŠA pavinien adbycca ŭ Złučanych Štatach — nastupić ich čarha pravodzić hetyja spabornictvy. Adnak, źviarnuŭ uvahu kiraŭnik dziaržavy, u 2021 hodzie ŭ ZŠA projdzie čempijanat śvietu pa lohkaj atletycy i sumiaścić hetyja spabornictvy pa praviłach budzie nielha.
Hladzieć da kanca. Biez sms i rehistracyi. Minsk - stalica ZŠA. pic.twitter.com/FeQw5er2w3
Momant pramovy Łukašenki raźmiaściŭ karystalnik tvitara.
«My prapanujem vam pravieści hetyja dva hady ŭ Biełarusi. Nie śpiašajciesia ni ŭ Jeŭropu dalokuju, ni ŭ Amieryku. Kali vy nam daručycie, my praviadziom jašče na bolš vysokim uzroŭni padobny matč», — źviarnuŭsia kiraŭnik Biełarusi.
Alaksandr Łukašenka zaŭvažyŭ, što takim čynam Minsk na pieryjad spabornictvaŭ u 2021 hodzie zmoža stać ni mnoha ni mała stalicaj Złučanych Štataŭ Amieryki. Z Donaldam Trampam (kiraŭnik biełaruskaj dziaržavy čamuści ŭpeŭnieny, što jon budzie abrany na čarhovy termin) Łukašenka paabiacaŭ damovicca. «Ja dumaju, jon źjavicca tut na hetym stadyjonie — u stalicy čarhovych lohkaatletyčnych hulniaŭ, matču stahodździa», — skazaŭ Alaksandr Łukašenka.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie1
Kamientary