Paplečnik Mikoły Statkieviča Siarhiej Sparyš asudžany na 15 sutak za «niepadparadkavańnie zakonnym patrabavańniam słužbovaj asoby» (art. 23.4 KaAP RB), paviedamlaje Radyjo Svaboda.
Siarhiej byŭ zatrymany 18 kastryčnika padčas druhoha dnia suda nad anarchistam Źmitrom Palijenkam.
Padčas pieršaha dnia ŭ naviednikaŭ pracesu adbyŭsia kanflikt z «ludźmi ŭ cyvilnym». Palijenka na pačatku pracesu sprabavaŭ uskryć vieny na znak pratestu suprać zakrytaha suda. Paśla hetaha naviednikaŭ vyhnali z zali i admaŭlalisia paviedamlać niejkuju infarmacyju pra padsudnaha abo pra praciah pracesu, ich stali chapać «ludzi ŭ cyvilnym», u kalidory adklučyłasia śviatło.
Na nastupny dzień Sparyš sprabavaŭ trapić na sud, ale jaho admovilisia puskać u zału, bo sudździa zabaraniŭ jamu prysutnaść. Milicyjanty vyvieli jaho z budynka, dalejšy jaho los nie byŭ viadomy da paniadziełka.
Kamientary