Rabotniki aŭtaparka vykapali ŭ lesie bolš za 280 sosnaŭ — chacieli azielanić pracoŭnaje miesca. Ciapier zapłaciać štraf
U telehram-kanale Nexta źjaviłasia infarmacyja pra toje, što ŭ adnym ź lasoŭ Minskaha rajona supracoŭniki aŭtaparka №5 Minska vykapali drevy, kab pasadzić ich u aŭtaparku. U Minpryrody TUT.BY paćvierdzili: aŭtapark ci jaho rabotniki buduć pryciahnutyja da adkaznaści.
Incydent adbyŭsia ŭ paniadziełak, 21 kastryčnika, u adnym ź lasoŭ pobač z Zasłaŭjem.
Vykapali 282 sasny na terytoryi dziaržaŭnaha lasnoha fondu. Hetaje pravaparušeńnie było ździejśniena rabotnikami aŭtaparka №5 Minska.
Na miescy incydentu byli dva rabotniki aŭtaparka i kiroŭca. Paźniej dla vyśviatleńnia situacyi ŭ les prybyŭ jašče i hałoŭny inžynier. Na pytańnie, navošta im stolki sosnaŭ, parušalniki adkazali, što źbiralisia azielanić terytoryju svajho aŭtaparka.
Pa hetym fakcie raspačaty administracyjny praces, pozva ŭ aŭtapark užo nakiravana.
U sieradu, 23 kastryčnika, hetuju spravu budzie razhladać Minskaja rajonnaja inśpiekcyja. Pytańnie pra toje, kaho mienavita pryciahnuć da adkaznaści — «fizičnuju asobu, słužbovuju abo jurydyčnuju» — pakul što adkrytaje. Heta vyrašycca zaŭtra.
Dla fizičnych asob za hetaje pravaparušeńnie praduhledžana adkaznaść ad 5 da 50 bazavych vieličyń. Dla jurydyčnych — ad 50 da 300 bazavych. Akramia taho, parušalnikam pryjdziecca apłacić štraf za škodu pryrodzie, a heta pavodle papiarednich padlikaŭ 2876 rubloŭ 40 kapiejek.
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary